Сабыылаах каток эһиил үлэҕэ киириэҕэ

Быйыл бэс ыйыгар киин куорат «Звезднай» түөлбэтигэр  «СӨ судаарыстыбаннай сакаасчытын сулууспата» ГКУ  сабыылаах катогу тутан саҕалаабыта. 

Генеральнай бэдэрээтчит — «АЭБ Капитал» ХЭУо. Саҥа спортивнай эбийиэк «Демография» национальнай бырайыак  «Спорт — олох нуормата» федеральнай бырайыагын чэрчитинэн тутуллар.  Эбийиэк эһиил сэтинньигэ үлэҕэ киириэҕэ.

Бүгүн үлэ хаамыытын суруналыыстарга билиһиннэрдилэр.

Тутуу  хайдах баран иһэрин бэдэрээтчит «Капитал» АЭБ  тутууну ыытар учаастагын салайааччыта    Ростислав Кобзев суруналыыстарга билиһиннэрдэ.

Ол курдук, икки мэндиэмэннээх 5 тыһ.кв.м. тахса иэннээх дьиэҕэ муус хоккейдыыр корт, 20 киһиэхэ анаммыт түөрт блок, успуорт саалата, тренажернай саала,  210 көрөөччү   саалалаах, кёрлиннээх буолуоҕа. Каток искусственнай муустаах катогар симиэнэҕэ  50-нуу киһи хаҥкылыаҕа.  Тутуу 19% -на бэлэм.