Хаартыска: PxHere
Бүлүүтээҕи ИДьМ дьуһуурунай чааһыгар олохтоох дьахтар саҕынньах атыылаһаары, түөкүн угаайытыгар киирэн биэрбитин туһунан иһитиннэрбит. Кини 10 400 солк. интэриниэт-маҕаһыыҥҥа ыыппыт, ол эрээри табаарын туппатах. Бу туһунан СӨ ИДьМ пресс-сулууспата суруйар.
Суһал-ирдиир үлэлэр ыытылланнар, холуобунай ирдэбил үлэһиттэрэ уорбаланааччыны быһаарбыттар. Бу Ростовскай уобалас олохтооҕо — 27 саастаах дьахтар эбит.
Быһаарыллыбытынан, Ростовскай олохтооҕо дьахтар социальнай ситимнэргэ сымыйа маҕаһыын страницатын арыммыт, ырыынактан чэпчэки сыаналаах диэн, табаардары атыыга таһаарбыт. Хаартыскалары интэриниэттэн хачайдаабыт. Атыылаһааччылартан харчыларын ылан баран сибээстэн сүтэн хаалар эбит. Оттон уорбут харчытын бэйэтин наадаларыгар бараабыт.
Билигин быһаарыллыбытынан, кини албыныгар өссө икки дьахтар киирэн биэрбитэ биллибит.
Түөкүннээһининэн холуобунай дьыала тэрилиннэ.
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин…
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа…