Хаартыскалаҕа Ангелина Васильева Анна түһэриитэ.
Таатта улууһугар бырабыыталыстыба отчуота буола турар. Бастакы күҥҥэ СӨ Бырабыыталыстыбатын Бэрэссэдээтэлин солбуйааччы Сергей Местников салайааччылаах бөлөх ыраах сытар Хара Алдан уонна Уус Таатта сэлиэнньэлэригэр сылдьан, нэһилиэнньэни кытары көрүстэ.
Оттон үөрэх миниистирэ Ирина Любимова салайааччылаах иккис бөлөх Чычымахха, Чымынаайыга, Харбалаахха сырытта.
Сергей Местников уонна үлэ, социальнай сайдыы миниистирин солбуйааччы Афанасий Постников нэһилиэнньэни кытта мунньах кэнниттэн, байыаннай дьайыы кыттыылаахтарын төрөппүттэрин кытта көрүстүлэр.
Уус Тааттаттан 9 ыалтан 10 байыас байыаннай эпэрээссийэҕэ сылдьар. Кинилэр төрөппүттэрэ долгуйар ыйытыыларын биэрдилэр, кыһалҕаларын үллэһиннилэр. Үгүстэрин ититии ситимигэр холбонуу долгутар. Бу боппуруос эһиилгэ диэри быһаарыллыан сөп, төһө ыраах олороллоруттан тутулуктаах.
Байыаннай дьайыы кыттыылаахтарын оҕолоро уһуйааҥҥа босхо сылдьыахтаахтар. Биир байыас ийэтэ туран, сиэнэ куоракка чааһынай уһуйааҥҥа төлөөн сылдьарын туһунан иһитиннэрдэ. Афанасий Постников маны быһаарсыах буолла.
Ону тэҥэ, байыас бааһыран баран, бырайыаһын бэйэтэ төлөөн кэлбитин, сорохтор төлөбүрдэрин ситэ ыла иликтэрин кэпсээтилэр.
Миниистир солбуйааччыта бу боппуруостары хонтуруолга ылла, ону тэҥэ, байыастар төрөппүттэрэ өрөспүүбүлүкэ иһигэр санаторийга-куруорка босхо эмтэнэр, сынньанар бырааптаахтарын санатта.
Таатта улууһугар өрөспүүбүлүкэҕэ бастакынан »Байыаннай дьайыы кыттыылааҕын дьиэ кэргэнин дастабырыанньатын оҥорбуттара. Бу манан туһанан, социальнай таксига олорсон, Ытык Күөлтэн Дьокуускайга диэри босхо айанныахтарын сөп. Таас чоҕу эмиэ улуус уйунар буолбут.
Улуус баһылыга Михаил Соров биир интэриэһинэй түгэни кэпсээтэ:
— Биһиги бырааппыт Украинаҕа сулууспалыы сылдьар. Сорудахха бараары туран, сахалыы сиэринэн буруолатар, ыраастанар, алгыс этэн ботугуруур эбит. Бастаан күлэллэрэ үһү. Онтон кини алгыстаабыт сорудаҕар өлүү-сүтүү тахсыбат, этэҥҥэ ааһарын бэлиэтии көрбүттэр. Суһаллык, алгыстаппакка ыыппыт сорудахтарыгар өлүү-сүтүү тахсар эбит. Онно бааһыран кэлбит табаарыстара: »Почему не провел алгыс?» диир буолбуттар. Омугуттан тутулуга суох, бары кини алгыһыгар итэҕэйэр, кыттар буолан хаалбыттар…
Сергей Местников төрөппүттэр санаалара бөҕөх, кытаанах буоллаҕына, уолаттара эмиэ этэҥҥэ сылдьан кэлиэхтэригэр эрэлин биллэрдэ, өрөспүүбүлүкэ туох кыах баарынан көмөлөһөргө бэлэмин иһитиннэрдэ.
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…