Хаартыска- Денис Попов / «Сахамедиа»
Саха араадьыйатын 95 сыллаах үбүлүөйүнэн сибээс салаатын үлэһиттэрин уонна бэтэрээннэрин чиэстээтилэр. Бу туһунан ЯСИА суруйар.
«Саха» НКИХ араадьыйатын дирекциятын тыас режиссера Михаил Эверстов «Гражданскай килбиэн» бэлиэнэн наҕараадаланна. «Биһиги киэҥ нэлэмэн Сахабыт сиригэр араадьыйа ураты суолталаах. Интэриниэт сайдыбытын үрдүнэн, бүгүҥҥү күҥҥэ араадьыйа – информацияны ыларга биир саамай табыгастаах уонна киэҥник тарҕаммыт сириэстибэнэн буолар. Бары улуустарбытын, ыраах сытар нэһилиэктэрбитин холбоото. 2023 сылтан Инновация министиэристибэтин уонна «АрктикТелеком» хампаанньаны кытта араадьыйа ыстаансыйатын төнүннэриигэ улахан үлэни ыыттыбыт. Билигин лицензия ылар үлэ барар, 2026 сылга хотугулуу-илиҥҥи эрэгийиэҥҥэ барытыгар күүстээх эпииргэ тахсыахпыт диэн эрэнэбит», — диэн СӨ бырабыыталыстыбатын бэрэссэдээтэлин солбуйааччы Анатолий Семенов бэлиэтээтэ.
1930 сыл сэтинньи 7 күнүгэр эпииргэ аан бастаан «Болҕойуҥ, Дьокуускай саҥарар!» диэн устуоруйаҕа киирбит тыллар иһиллибиттэрэ. Кэлиҥҥи сылларга Саха араадьыйата технологическай сэбин-сэбиргэлин күүскэ саҥарта. «Тэтим» мобильнай сыһыарыыта оҥоһулунна, араадьыйа көмүс пуондатыттан архыыптааҕы биэриилэрдээх подкастар үлэлээн саҕалаатылар. Ону таһынан, киэҥник тарҕаммыт саҥа платформаларыгар холбонуута – ураты киэн туттуу буолар. Наҕараадаламмыт дьон быыһыгар – «Саха» НКИХ араадьыйатын эрэдээктэрэ, сибээс салаатыгар 30 сыл үлэлээбит Зоя Дьячковская баар.
«Мин өрөспүүбүлүкэ сибээһин бочуоттаах үлэһитэ буоллум, үлэбин сыаналаабыттарыттан олус үөрдүм уонна астынным. Оҕо эрдэхпиттэн диктор буолар баҕалааҕым. Аҕам араадьыйаны истэрин өйдүүбүн, миэхэ холобур буолбут киһим – Екатерина Местникова этэ. Идэм араас өрүттээҕин сөбүлүүбүн. Биһиги бэлиитикэни, успуорду, култуураны – барытын сырдатабыт», – диэн Зоя Дьячковская санаатын үллэһиннэ.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…