Дьокуускайга ахсынньы 1 күнүгэр «Саха Арена» диэн хапсаҕайга турнир ыытыллыаҕа. Манна Саха сирин хапсаҕайын чаҕылхай «сулустара» кытталлара былааннанар.
«Турнир ахсынньы 1 күнүгэр циркэ дьиэтигэр буолуоҕа. Эрдэ бу күрэхтэһии сыллата үрдүк тэрээһиннээхтик ыытыллар этэ, хамсык ыарыыта мэһэйдээн тохтоон хаалбыта. Онон түөрт сыл ааспытын кэнниттэн турниры сөргүтэн эрэбит. Быйыл өрөспүүбүлүкэ чаҕылхай хапсаҕайдьыттарыттан турар аҕыс хамаанда кыттыаҕа», — диэн тэрийээччилэр иһитиннэрэллэр.
«Саха Арена» «стенка на стенку» киэбинэн хамаандалары икки бөлөххө арааран күрэхтэһиннэриэхтэрэ. Хамаандаҕа ыйааһынынан үстүү бөҕөс киирэр: 75, 85 уонна 95 киилэлэргэ.
Сүрүн тэрийээччи Толлуман Барашков иһитиннэрэринэн, быйылгы бырайыак сүүмэрдиир түһүмэх быһыытынан ыытыллар эбит. Маннык түһүмэхтэр Тываҕа, Бурятияҕа, Казахстаҥҥа, Монголоияҕа былааннаналлар. Оттон финал эһиил Дьокуускайга буолуоҕа.
Тэрээһиҥҥэ шоу быһыытынан блогердар хапсаҕайдыыллара күүтүллэр. Билиҥҥитэ кимнээх буолаллара кистэлэҥ.
Билигин хамаандалар састааптара биллэн, тэрээһиннээх үлэ барар турар:
Владимир Афанасьев (75 кг), Анатолий Сивцев (85 кг), Дьулустан Калачёв (95 кг);
Иван Семёнов (75 кг), Револий Самсонов (85 кг), Николай Николаев (95 кг);
Иван Сергеев (75 кг), Тимур Николаев (85 кг), Сергей Николаев (95 кг);
Ларион Андреев (75 кг), Ньургун Андреев (85 кг), Юрий Константинов (95 кг);
Айсен Килибеев (75 кг), Алексей Уваровскай (85 кг), Никита Софронов (95 кг);
Христофор Потапов (75 кг), Роберт Сидоров (85 кг), Дьулустан Попов (95 кг);
Николай Сивцев (75 кг), Константин Власов (85 кг), Софрон Софронов (95 кг);
Егор Захаров (75 кг), Игнатий Андросов (85 кг), Леонид Попов (95 кг).
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…