Хаартыска: Анастасия Мигалкина архыыбыттан.
Уус Алдан улууһун Мүрү нэһилиэгин бэтэрээннэрин В.В. Никифоров-Күлүмнүүр аатынан «Тойон Мүрү» Култуура дыбарыаһын иһинэн үлэлиир «Күндүүнэ» ансаамбыл чилиэннэрэ «Молоды душой» диэн «үрүҥ көмүс волонтердар» хамсааһыннарын сайыннарар федеральнай бырагырааматынан үлэлиир өрөспүүбүлүкэтээҕи хамсааһыҥҥа кытталлар. Кинилэр ааспыт сылтан ыла байыаннай эпэрээссийэҕэ кытта сылдьар буойуннарга үтүө баҕаларынан, ис сүрэхтэриттэн кыһанан, көмөлөһө сылдьаллар. Ол туһунан бу ансаамбыл салайааччыта Анастасия Мигалкина бу курдук кэпсээтэ:
— Байыаннай дьайыыларга кытта сылдьар уолаттарбытын өйөөн, «Саллааттар ийэлэригэр», «Саллаакка сурук» диэн аахсыйаларга кыттан, бэйэбит 12 000 солк. харчы хомуйан, буойуттарга ыытарга үс улахан хоруопка наадалаах малы, ол иһигэр, 67 халыҥ наскыы, 40 угунньа, 15 ачыкы, 40 медаптечка уо.д.а. хомуйан, сороҕун өрөспүүбүлүкэ гуманитарнай ыстаабыгар, сороҕун «ДК Гагарина” киллэрэн туттарбыппыт.
Арассыыйа волонтердарын күнүгэр «Дууһабытынан эдэрбит» көмүс волонтердар өрөспүүбүлүкэтээҕи түмсүүлэригэр буойуттарга көмөлөһөр «Ийэ сир алгыһынан» аһымал аахсыйа кэнсиэригэр кытынныбыт. Манна кыттыбатах дьүөгэлэрбит харчынан 1000 солк. көмө оҥордулар. Ийэ сылын түмүктүүр декадатыгар Уус-Алдан улууһун «Арассыыйа ийэлэрэ» уопсастыбаннай хамсааһын уонна улуустааҕы дьахтар кэмитиэтин декадатыгар кыттыһан, Лукина В.З., Федорова В.А. дьиэлэриттэн иистэнэр массыыналаах кэлэн, ким эрэ мээрэйдээн, ким эрэ быһан, 50 балаклава тигистибит.
Өрөспүүбүлүкэтээҕи ыстаабка сылдьан, «маскировочнай сетка» баайыытыгар маастар-кылаас ыллыбыт, көмөлөстүбүт. Олунньу ыйга «Тойон Мүрү» КД-гэр 30 миэтэрэ маскировочнай сетка оҥоһуутун көҕүлээн, тэрилтэ үлэһиттэрэ кэлэн көмөлөһөннөр 3 күнүнэн баайан бүтэрэн, улууспут баһылыга Алексей Федотов Украинаҕа байыаннай эпэрээссийэҕэ кыттар уолаттарбытыгар барарыгар туттардыбыт. Байыаннай эппэрээсийэҕэ кытта сылдьар биир дойдулаахтарбытыгар защитнай сетка баайарбытыгар муҥханы Баатаҕай нэһилиэгиттэн Николай Федоров биэрбитэ. Ону Культура Дыбарыаһыгар дириэктэр Максим Гоголев миэстэ көҥүллээн, тэрилтэлэр, нэһилиэктэр кэлэн көмөлөһөн, баайбыппыт. Байыаннай форма тигиитигэр Дегтярева Т.Г., Лукина В.З. кыттан, үлэлэрин үрдүк хаачыстыбалаахтык туттарбыттара.
Аҕа дойду Улуу сэриитин кыттыылаахтарын кэриэстэригэр уонна Ийэ Дойдубутун көмүскүү сылдьар буойуннарбытыгар ананар Бүтүн Арассыыйатааҕы «Красная гвоздика» аахсыйаҕа былырыыҥҥыттан кыттабыт. Мантан киирбит харчы байыаннай эпэрээссийэҕэ барар. Бу курдук тэрилтэлэргэ, улуустааҕы библиотекаҕа, МСОШ-1 оскуолатыгар, уулуссаҕа бары түмсэн үлэлээммит, 14 000 солк. киллэрдибит. Бу аахсыйаларга дьон-сэргэ актыыбынай кыттыытыттан киһи сүргэтэ көтөҕүллэр. Билигин буойуттарга анаан 3 медицинскэй наһыылканы тигэн бүтэрдибит.
Бу үлэлэрбит барыта улууспут уолаттара этэҥҥэ төрөөбүт дойдуларыгар чөл туруктаах эргиллэн кэлэллэрин туһугар ыытыллаллар.
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…