Саха бөҕөһө Венгрияҕа аан дойду чөмпүйэнээтигэр тустуоҕа

Саха сирин тустууктара Оренбурга ССРС спордун маастара Юрий Чернов кэриэһигэр ыытыллыбыт аһаҕас Арассыыйа куубагын кыайыылаахтарынан буоллулар.

Күрэхтэһиилэр муус устар 29 күнүттэн ыам ыйын 1 күнүгэр диэри “Олимпийскай” спорткомплекска ыытылыннылар, диэн “Спорт Якутии” иһитиннэрэр.

Арассыыйа спордун маастара Ньурбаттан сылдьар Андрей Иннокентьев 41-45 саастарыгар диэри дивизиоҥҥа 62 киилэҕэ диэри ыйааһыҥҥа бастакы миэстэни ылла. Күрэхтэһии түмүгүнэн кини аны күһүн алтынньыга Арассыыйа аатыттан Венгрияҕа бэтэрээннэр аан дойдутааҕы чөмпүйэнээттэригэр кыттар быраабы ылла. Эмиэ бу киилэҕэ, ол эрээри 46-50 саастарыгар диэри дивизиоҥҥа чөмпүйүөнүнэн Дьокуускай олохтооҕо Иннокентий Данилов буолла.

Бэтэрээннэргэ аан дойдутааҕы чөмпүйэнээт алтынньы 7-11 күннэригэр Будапешка ыытыллыа.