Хаартыска: sakha.gov.ru
Улуу тренер Дмитрий Коркин иитиллээччилэрэ Роман Дмитриев, Павел Пинигин, Александр Иванов 1976 сыллааҕы Монреаллааҕы олимпиадаҕа үрдүккэ дабайыыларын туһунан уус-уран киинэ устуута саҕаланна.
Ил Дархан Айсен Николаев хамаанданы уонна киинэ артыыстарын кытта көрсөн кэпсэттэ.
Айсен Николаев киинэ Саха сирин успуордун устуоруйатыгар ытыктабыл бэлиэтинэн буоларыгар эрэллээҕин биллэрдэ.
Режиссер Михаил Лукачевскай этэринэн, киинэ сэргэх уонна көстүүлээх буолуо.
“Аан дойду ыстандаартыгар эппиэттиир киинэни оҥоруохпут. Киинэни устууга сыл аҥаара бэлэмнэннибит. Көстүүмнэри бэлэмнээтибит, аан бастакытын пластическай гримы туһаныахпыт. Артыыстар бары көҥүл тустууга бэлэмнэниини аастылар. Билигин бырайыакка улахан хамаанда үлэлиир – сүүстэн тахса киһи сыһыарылынна. Бары идиэйэттэн өрө күүрэ, санаалара көтөҕүллэ сылдьар. Сыл бүтүүтэ таһаарар толкуйдаахпыт. Аан дойдуга көрдөрөргө дьулуһуохпут”, — диэн режиссер бэлиэтиир.
Саха киинэтин устуоруйатыгар аан маҥнайгытын компүүтэр графикатын көмөтүнэн 1976 сыллааҕы Монреал “Гранд” олимпийскай стадионун оҥоруохпут диэн хамаанда санаатын үллэһиннэ. Анал эпиэктэри (спецэффект) устууга дойду бастыҥ тэриллэрин туһаныахтара.
“Маладьыастар, ити курдук салгыы баран иһиҥ, бу улахан уонна туһалаах дьыала! Саҥа көрүүлэри киллэриигит – сөптөөх быһаарыы. Биһиги аныгы ирдэбилгэ сөп түбэһиэхтээхпит, саха киинэтин хаачыстыбата үрдээн иһиэхтээх. Толкуйдаабыккыт олоххо киирдин”, — диэн Айсен Николаев этэ.
Киинэ режиссера — Михаил Лукачевскай, сценарий ааптара — Алексей Амбросьев. Дмитрий Коркин оруолугар Саха сирин үтүөлээх артыыһын Иннокентий Луковцевы бигэргэппиттэрэ, онтон Павел Пинигин оруолугар — Гаврил Менкяровы, Роман Дмитриевка – Семен Лукины, Александр Ивановка – Дьулусхан Андросовы. Киинэни быракаакка 2023 сылтан таһаарар былааннаахтар.
Санатан эттэххэ, Монреаллааҕы XXI сайыҥҥы оонньууларга Павел Пинигин чөмпүйүөннээбитэ, XX олимпийскай оонньуулар чөмпүйүөнэ Роман Дмитриев уонна Александр Иванов – үрүҥ көмүс призердарынан буолбуттара.
Ил Дархан уонна Бырабыыталыстыба пресс-сулууспата.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…