Саха боксердара Арассыыйа чөмпүйэнээтин мэтээлин иһин киирсиэхтэрэ

Алтынньы 3 күнүттэн Иркутскайга эр дьон ортотугар боксаҕа Арассыыйатааҕы чөмпүйэнээт ыытыллар.

Тэрээһин дойду араас спортсменнарын түмүөҕэ. Саха сирин сүүмэрдэммит хамаандата 12 боксеру туруоруоҕа. Саха сирин сүүмэрдэммит хамаандатын састааба Уһук Илин уонна Александр Федотов аатынан Бүтүн Арассыыйатааҕы күрэхтэһиилэр түмүктэринэн талыллыбыт.

Хамаандаҕа 12 спортсмен киирбититтэн, саамай элбэх бөҕөс 48 киилэҕэ диэри ыйааһыннаахтарга күрэхтэһиэхтэрэ. Барыллаан күрэхтэһиилэр бу сыл алтынньы 3 күнүттэн 9 күнүгэр диэри ыытыллаллара былааннанар, полуфиналлар алтынньы 10 күнүгэр диэр буолуохтара, ол кэннэ икки күн устата чөмпүйүөннэри быһаарыахтара.

Саха сирин сүүмэрдэммит хамаандатыгар Михаил Прокопьев, Павел Васильев, Рустам Туприн, Иннокентий Слепцов (48 кг), Талбан Егоров (51 кг), Валентин Платонов (54 кг), Николай Пшенников (60 кг), Леон Никифоров (63,5 кг), Назар Андреев (80 кг) уонна Александр Самсонов (92 кг) киирдилэр.