Хаартыска sakha.gov.ru ылылынна
Саха сирин дэлэгээссийэтэ Новгород уобалаһыгар Старорусскай оройуоҥҥа тиийэ сырытта. Кинилэр Аҕа дойду уоттаах сэриитигэр Кыайыы туһугар сырдык тыыннарын толук уурбут буойуттар көмүс уҥуохтара көтөҕүллүбүт сиригэр сибэкки дьөрбөтүн уурдулар.
РФ Бэрэсидьиэнигэр Саха сирин бастайааннай бэрэстэбиитэлистибэтэ уонна олохтоох салалта сылын ахсын тэрийэн ыытар тэрээһиннэригэр, бастайааннай бэрэстэбиитэлистибэ уопсастыбаннай сэбиэтиттэн, Санкт-Петербурга биир дойдулаахтар түмсүүлэриттэн, «Сайдыы» Санкт-Петербурга Саха сирин ыччатын уопсастыбаннай түмсүүтүттэн кытыннылар диэн РФ Бэрэсидьиэнигэр Саха сирин бастайааннай бэрэстэбиитэлистибэтин пресс-сулууспата иһитиннэрбит.
Буреги дэриэбинэҕэ дэлэгээссийэ «Воинам-якутянам – защитникам Старорусского района» өйдөбүнньүк бэлиэҕэ уонна буойуттар көмүс уҥуохтара көтөҕүллүбүт сиригэр сылдьыбыттар. Миитиҥҥэ бастайааннай бэрэстэбиитэлистибэ уопсастыбаннай сэбиэтин бэрэссэдээтэлин солбуйааччы Сергей Сидоров бу уопсастыбаннай сэбиэт көҕүлээһининэн ыытыллыбыт пааматынньыгы туруоруу, ситэрэн, тупсаран оҥоруу, өрөмүөн туһунан кэпсээбит. «2021 сыллаахха пааматынньык акылаата бүүс-бүтүннүү уларытыллыбыта, билиитэлэргэ суруктара саҥардыллыбыта, сынньанар сир баар буолбута, истиэндэ, о.д.а. оҥоһуллубута», — диэбит кини, чугастааҕы кэмҥэ ыытыллар үлэ былаанын билиһиннэрбит.
Тэрээһин кыттыылаахтарыгар Старорусскай оройуон дьаһалтатын баһылыгын солбуйааччы Наталья Горбач Улуу Кыайыы күнүн көрсө истиҥ эҕэрдэтин тиэрдибит. Бу улахан суолталаах, долгутуулаах көрсүһүү хас эмэ көлүөнэни түмэрин, сомоҕолуурун бэлиэтээбит.
РФ Бэрэсидьиэнигэр Саха сирин бастайааннай бэрэстэбиитэлин солбуйааччы Юрий Кравцов «Долина» көрдүүр-ирдиир эспэдииссийэ салайааччытыгар Александр Алтуховка уонна эспэдииссийэ кыттыылаахтарыгар үйэтитии үлэтигэр сыраларын бэлиэтээн туран, махтал суруктары туттарбыт.
«Маннык тэрээһиннэр эдэр ыччат Улуу Кыайыы устуоруйатын, хос эһэлэрин, эһэлэрин хорсун быһыыларын билэллэригэр, өйдөрүгэр-санааларыгар иҥэринэн илдьэ сылдьалларыгар ананан ыытыллаллар», — диэн эппит.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…