Саха быһаҕа Саха сиригэр эрэ оҥоһуллар буолуоҕа

Саха быһаҕа Саха сиригэр эрэ оҥоһуллар буолуоҕа

Ааптар:
27.05.2024, 11:00
Хаартыска: Мария Васильева, СИА
Бөлөххө киир:

Өрөспүүбүлүкэ салалтатынан быйыл саха быһаҕа патеннанна. Туһааннах сэртипикээти Саха сиринээҕи уустар Сойуустарыгар туттарыахтара.

Мантан инньэ Саха сирин таһыгар оҥоһуллубут саха быһахтара «контрафагынан» ааҕыллыахтара. Бу туһунан «Тэтим» араадьыйа «Былааһы кытта кэпсэтии» биэриигэ Урбаан, атыы-эргиэн уонна туризм миниистирэ Тимур Ханды иһитиннэрдэ.

«Биһиги олохтоох оҥорон таһаарыы эйгэтин күүскэ өйүүбүт. Бу Саха сиригэр оҥоһуллан тахсар бородууксуйалар, табаардар, ону ааһан туристар сөбүлээн атыылаһар саха быһаҕын быйыл ситиһиилээхтик патеннаатыбыт. Билигин Саха сириттэн тас өттүгэр оҥоһуллубут ханнык баҕарар саха быһаҕа «контрафагынан» ааҕыллар буолар. Бу биһиги тимир уустарбытыгар төһүү күүс-көмө, өйөбүл буолуоҕа. Патент докумуонун сотору кэминэн Саха сирин уустарын Сойууһугар туттарыахпыт», — диэн кини иһитиннэрдэ.

Тимур Ханды «Дьоҕус уонна орто урбаан» уонна «Туризм» национальнай бырайыактарынан Саха сиригэр биисинэһи өйүүр дьаһаллар олоххо киирэллэрин, урбаанньыттар ортолоругар туризм эйгэтигэр куонкурустар ыытыллалларын бэлиэтээтэ.

+1
7
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: