Ил Дархан, бырабыыталыстыба дьаһалтатын пресс-сулууспата.
Саха быһаҕын оҥорорго географическай миэстэтин ыйарга патент баар буолла. Бу туһунан Айсен Николаев «телеграм» ханаалыгар суруйда.
— Саха быһаҕа — биһиэхэ «бренд», култуурабыт сорҕото буолар. Географическай ыйынньык патена судаарыстыбаннай регистрацияны ааста. Биһиги уустарбыт ол туһунан санаабыттара ыраатта. Бастатан туран, бу үтүктэн оҥорууну утары охсуһарга көмөлөһүөҕэ. Саха сиригэр оҥоһуллубут быһахтар — хаачыстыба мэктиэтинэн буолаллар. Онон «СӨ Уустарын сойууһун» чилиэннэрэ билигин географическай ыйынньыгы туһанар кыахтаахтар, — диэн кини бэлиэтээтэ.
Географическай ыйынньык — бу табаар ханна оҥоһуллубутун, хаачыстыбатын ыйар бэлиэ.
Саха быһаҕын оҥорууга географическай ыйынньык патенын судаарыстыбаннай регистрациялыыр туһунан быһаарыыны «Роспатент» федеральнай сулууспа анал эспэртиисэ түмүгүнэн ылынна.
«Роспатент» эспэртиисэтэ быһаарбытынан, саха быһаҕын былыргылыы ньыманан оҥороллор. «Археологическай хаһыылар көрдөрбүттэринэн, былыргы көмүүлэртэн булуллубут быһахтар 3-5 тыһыынча сыллааҕы буолаллара биллибитэ. Онон саха быһаҕын оҥоруу ньымата тыһыынчанан сылларга көлүөнэттэн көлүөэҕэ бэриллэн испит» диэн эспэрстиисэ докумуонугар суруллар.
Саха быһаҕа сытыытын, ураты оҥоһуулааҕын кэрэхсээн, аан дойду үрдүнэн интэриэһиргиир дьон элбээн иһэллэр. Үтүктэн оҥорооччулар да бааллар. Географическай ыйынньык патена ылыллан, биһиги өбүгэлэрбититтэн кэлбит баайбытын көмүскүүргэ биир хардыы оҥоһулунна.
Ил Дархан, бырабыыталыстыба дьаһалтатын пресс-сулууспата.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…