Хаартыска: Ангелина Васильева.
Кулун тутар 22 күнүгэр Саха Бриллиантовай циркэтэ сааскы каникулу көрсө «Дыырай Бэргэн уонна үс төбөлөөх Луо Балык» олоҥхонон остуоруйа премьератын көрдөрдө.
Испэктээкил үөһээ дойдуну дьүһүйүүттэн саҕаланна. Манна куупал аннынан кыырайа көтөр, канаатынан хаамар гимнастар »күннэрэ күөрэйдэ».
Орто дойдуга дьэрэкээн сибэккилэр тыллаллар, лыахтар көтөллөр, чыычаахтар ыллыыллар. Манна даҕатан эттэххэ, олус да элбэх, дьэрэкээн көстүүмнэри тикпиттэр, артыыстар да олус бэлэмнэммиттэр!
Остуоруйа буолан баран, омуннаах, олоҥхо буолан баран, оонньуулаах. Олоҥхо сюжета уонна циркэ нүөмэрдэрэ олус бэркэ дьүөрэлэһэллэр эбит.
Манна даҕатан эттэххэ, олоҥхо уонна циркэ ускуустубата, омос көрдөххө, икки тус-туспа көрүҥнэр эрээри, олус бэркэ дьүөрэлэһэллэрин былырыын Олоҥхо ыһыаҕын аһыллыытыгар көрдөрөн тураллар.
Оттон бу остуоруйа-олоҥхоҕо сиэдэрэй көстүүнү, тэтимнээх, интэриэһинэй сюжеты уонна уустук трюктары бииргэ түмпүттэр. Дыырай Бэргэн тапталлааҕын быыһыырыгар араас уустуктары туоруурун, ыарахан трюктар туоһулууллар.
Аттар олус бэркэ араас сорудахтары толороллорун, бэл, үҥкүүлүүллэрин, скакалканан ыстаналларын кэрэхсээтим. Тэриллэри хомуйар кэмҥэ клоуннар оҕолору кытта алтыһан, оонньотон, сэргэхситтилэр.
Онон сааскы каникул кэмигэр дьиэ кэргэнинэн кэлэн көрөргө бэртээхэй испэктээкил буолбут.
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…
Ый бэлиэтэ -- Суор ойуута. Суор -- ытык көтөр. Итэҕэл үөрэҕинэн, бу ыйга сиргэ Улуу…
Норуот синоптига Тускул билгэлииринэн, быйыл Саха сиригэр «Дьахтар сайына» балаҕан ыйын 6-14 күннэригэр кэлиэҕэ. Тускул…
Күндү учууталлар, үөрэнээччилэр, педагогическай үлэ бэтэрээннэрэ, төрөппүттэр! Ис сүрэхпиттэн биһиэхэ барыбытыгар дьоһун суолталаах Билии күнүнэн…
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох дииллэрий? Ленскэйгэ, Халыма-Индигиир улуустарыгар, күнүс киин,…