Саха циркэтэ саҥа этно-шоуну сүрэхтээтэ

Share

Муус устар 15 күнүттэн Саха бриллиантовай циркэтэ »Земля мамонта» диэн этно-шоу премьератын көрдөрөн саҕалыыр.

Циркэ дириэктэрэ Сергей Расторгуев эппитинэн, бу өрөспүүбүлүкэ тас өттүгэр көрдөрөргө анаммыт ураты испэктээкил. Онон саха култууратын арыйар, үһүйээннэргэ, мифологиятыгар тирэҕирэн оҥоһуллубут.
Сүрүн режиссерунан «Росгосцирк» сүрүн режиссера Елена Петрикова кэлэн, сылы быһа үлэлээтэ.
— Саха сиригэр кэлэн үлэлээбиппиттэн олус астынным. Биһиги этническэй циркэлэргэ идэтийэн үлэлиибит. Саха култууратыгар, историятыгар, мифологиятыгар өтөн киирии миэхэ олус интэриэһинэй уопут буолла. Бу туруорууну саха култууратын туораттан, биһиги харахпытынан көрүү курдук ылыныахха сөп, — диэн кини кэпсээтэ. Кинини кытта Саха циркэтин сүрүн режиссера Мария Попова-Харлампьева үлэлээтэ.

Ааптар хаартыскаҕа түһэриитэ

МГИК преподавателэ, балетмейстер, туруорааччы-режиссер Наталия Новичкова үҥкүүлэрин туруорда. Кини этэринэн, Саха циркэтэ түмсүүлээх, кэскиллээх, айар кэлэктиип. Бу туруорууга атын циркэлэртэн артыыстар кыттыбатахтар. Түүннэри-күнүстэри үлэлиир кыахтаах, сүрдээх үлэһит кэлэктиип диэн сыаналаата. Муусукатыгар Москваттан композитор-аранжировщик Дмитрий Машков үлэлээтэ.
Барыта 250 көстүүм тигиллибит. Көстүүмнэргэ уонна декорацияҕа Москватааҕы циркэ үлэһиттэрэ үлэлээбиттэр, кинилэр эскизтэринэн Саха циркэтин сүрүн костюмера Петр Винокуров уонна иистэнньэҥнэр тикпиттэр.

Хаартыска: ааптар түһэриитэ.

Күһүн бу шоуну илдьэ Орто Азия дойдуларынан уонна »Росгосцирк» ыытар куораттарынан гостуруолга барыахтара. Онон этно-шоу премьератын көрө Казахстан, Кыргызстан, Таджикистан, Владивосток циркэлэрин салайааччылара кэлбиттэр.

Казах судаарыстыбаннай циркэтин дириэктэрэ Максат Жаиков премьера үрдүк таһымҥа ыытылларыгар саарбахтаабатын биллэрдэ.
Астана Столичнай циркэтин дириэктэрэ Ерик Жолжаксынов Саха сирин кытта уруккуттан бииргэ үлэлииллэрин, доҕордоһоллорун туһунан иһитиннэрдэ.
Манна »Летающие мачты» диэн ураты нүөмэр Арассыыйаҕа ханна да оҥоһуллубат эбит. Бу нүөмэри Испанияҕа норуоттар икки ардыларынааҕы бэстибээлгэ ыҥырбыттар.

Хаартыска: ааптар түһэриитэ.

Этно-шоу түмүктүүр эрэпэтииссийэтин муус устар 14 күнүгэр көрөөччүлэргэ көрдөрдүлэр. Чахчы, киһи биир тыынынан көрөр туруоруута эбит. Манна бааллар акробаттар, куупал аннынан көтөр гимнастар, жонглердар, канаатынан хаамааччылар, клоуннар, Аал Луук Мас, ыһыах, ойуун, Байанай, тыыннаах курдук хамсыыр сэлии кыыллар, саха лаайкалара, табалар… Көстүүмнэрэ, декорациялара үчүгэйэ да бэрт. Көрөөччүлэр, чуолаан оҕолор ытыстарын тыаһын харыстаабатылар.

Ааптар хаартыскаҕа түһэриитэ
What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Култуура
  • Сонуннар

Улан ураты туругу бэлэхтээтэ

Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…

10 часов ago
  • Быһылаан
  • Сонуннар
  • Уопсастыба

Полицейскайдар биэнсийэлээх харчытын уорбут 18 саастаах уолу туттулар

Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…

10 часов ago
  • Сонуннар
  • Уопсастыба

Дойдутун, норуотун туһугар (Гавриил Чиряев төрөөбүтэ 100 сылыгар)

Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…

10 часов ago
  • Сонуннар
  • Спорт

Оскуола спартакиадатын финала Дьокуускайга бэс ыйыгар ыытыллыаҕа

Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…

10 часов ago
  • Сонуннар
  • Уопсастыба

ОМОН «Бизон» этэрээт тэриллибит күнүгэр үрдүк наҕараадалар туттарылыннылар

Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…

11 часов ago
  • Сонуннар
  • Хаартыска/Видео

«Сэмсэ тыл»: Трамп тоҕо түһээнин үрдэтэрий, тоҕо ороскуотун аҕыйата сатыырый?

Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".  

11 часов ago