Саха циркэтин артыыстара норуоттар икки ардыларынааҕы бэстибээлгэ кыттыахтара

Саха судаарыстыбаннай циркэтин артыыстара — «DUO SELESTIA» паара балаҕан ыйын 19-22 күннэригэр Минскэйдээҕи норуоттар икки ардыларынааҕы цирковой искусство бэстибээлигэр кыттыахтара диэн СӨ Култуураҕа уонна духуобунай сайдыыга министиэристибэтин пресс-сулууспата иһитиннэрэр.

Бэстибээл аренатыгар 19 дойду артыыстара кыттыахтара: Австралия, Аргентина, Италия, Эфиопия, Арассыыйа, Беларусь, Молдова, Колумбия, Израиль, Финляндия, Таджикистан, Кыргызстан, Португалия, Венгрия, КНДР, Азербайджан, Казахстаан, Узбекистан уонна Грузия.

Артыыстар бырагыраамаларын «А» уонна «Б» бөлөххө араарбыттар, ол кэнниттэн гаала-кэнсиэргэ бастыҥнары талыахтара.