Судаарыстыбаннай циркэ пресс-сулууспата
Атырдьах ыйын 18 күнүгэр Марфа уонна Сергей Расторгуевтар ааттарынан СӨ Судаарыстыбаннай циркэтигэр циркэ дириэктэрэ Сергей Расторгуев уонна Пекиннээҕи «Оулу» норуоттар икки ардыларынааҕы үөрэх киинин салайааччыта Ван Хэ норуоттар икки ардыларынааҕы кылаастаах эдэр, үрдүк профессиональнай таһымнаах циркэ артыыстарын-исписэлиистэрин сыаллаах бэлэмнээһин туһунан сөбүлэһиигэ илии баттаатылар.
Сөбүлэһиигэ илии баттааһыны СӨ Култууратын уонна духуобунай сайдыытын миниистирэ Афанасий Ноев сүрүннээтэ. Бу туһунан Судаарыстыбаннай циркэ пресс-сулууспата иһитиннэрэр.
СӨ Ил Дарханын Айсен Николаев өйөбүлүнэн, алтынньы ыйыттан Саха сириттэн 20 оҕо (Хаҥалас, Ньурба, Чурапчы, Уус-Алдан уонна Кэбээйи улуустарыттан, ону таһынан Хатас сэлиэнньэтиттэн уонна Дьокуускай куораттан) үөрэххэ барыаҕа. Барыта 10 кыыс уонна 10 уол 5 сыл устата Кытай Норуодунай Өрөспүүбүлүкэтин Учао куоратыгар баар Хэбэй ускуустубатын кэллиэһигэр үөрэниэхтэрэ. Бу бииргэ үлэлээһин култуурунай уопуту уонна билиилэри атастаһыыга, ону тэҥэ циркэ ускуустубатын эйгэтигэр үрдүк таһымнаах исписэлиистэри бэлэмниир бырагыраамалары сайыннарыыга туһуланар.
Саха сирин Судаарыстыбаннай циркэтэ Кытайга профессиональнай үөрэҕи ылбыт үс көлүөнэ выпускниктарынан киэн туттар. Бүгүн үгүс выпускниктар бэйэлэрэ уһуйааччы буолан, аан дойду саамай биллиилээх циркэлэрин ареналарыгар өрөспүүбүлүкэни чиэстээхтик ааттаталлар.
Санаттахха, өрөспүүбүлүкэҕэ циркэ ускуустубатын сайыннарыы артыыстар профессионал быһыытынан үүнэллэригэр эрэ көмөлөспөккө, Саха Өрөспүүбүлүкэтин үтүө аатын-суолун аан дойдутааҕы уопсастыбаҕа олохсутууга эмиэ кылаатын киллэрэр.
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…