Дзюдоисткалар Европа Кубогын толору кэмпилиэгин ылары ситистилэр

Өрөспүүбүлүкэ сүүмэрдэммит хамаандатын дзюдоист кыргыттара Европа аһаҕас кубогар ситиһиилээхтик кытыннылар диэн СӨ Баһылыгын уонна Бырабыыталыстыбатын пресс-слууспата иһитиннэрэр.

52 киилэҕэ диэри ыйааһыҥҥа Карина Ефремова кыһыл көмүс, 78 киилэҕэ диэри ыйааһыҥҥа Надежда Татарченко – үрүҥ көмүс, оттон 48 киилэҕэ диэри ыйааһыҥҥа Аина Моисеева боруонса мэтээли ыллылар.

Спортсменнары саҥа ситиһиилэринэн Ил Дархан Айсен Николаев эҕэрдэлээтэ.

«Бүгүн, Аан дойдутааҕы Дзюдоист күнүгэр, биһиги үөрүүлээх сонуну туттубут –  дзюдоҕа Европа Кубогар Саха сирэ мэтээл толору кэмпилиэгин ылары ситиситэ. Дзюдоистарбытын уонна кинилэр тириэньэрдэрин  састаабын ситиһиилэринэн ис сүрэхпиттэн эҕэрдэлиибин. Спортсменнарбытыгар өссө да ситиһиилэри, саҥа, чаҕылхай кыайыылары баҕарабын. Саха сирэ эһигинэн киэн туттар!», — диэтэ Айсен Николаев.

Санатан эттэххэ, нэдиэлэ анараа өттүгэр Карина Ефимова өрөспүүбүлүкэҕэ дзюдо устуоруйатыгар үһүс Арассыыйа чөмпүйүөнүнэн буолбута.

Оттон Европа Кубогын күрэхтэһиитэ алтынньы 26-27 күннэригэр Сараевоҕа буолан ааспыта.