Саха Өрөспүүбүлүкэтэ I Национальнай бириэмийэ лауреата буолла

Саха Өрөспүүбүлүкэтэ  «Лучший регион по внедрению практик комплексного городского планирования» диэн номинацияҕа «Куорат тупсаҕай эйгэтин тэрийии» бырайыак чэрчитинэн I Национальнай бириэмийэ лауреата  буолла.

Куорат тупсаҕай эйгэтин тэрийиигэ аан бастакы Национальнай бириэмийэ лауреаттарын быһаарыы сиэрэ-туома Калуга куоракка атырдьах ыйын 25 күнүгэр буолан ааста. Ол курдук, Саха сирэ Арассыыйа биэс бастыҥ эрэгийиэнин ахсааныгар киирдэ. Өрөспүүбүлүкэ куорат эйгэтин сайыннарыы бырагырааматын ситиһиилээхтик олоххо киллэрэн уонна куорат тутуутугар аныгылыы ньымалары туһунан бастҥынар ахсааныгар бэлиэтэннэ. Тэрээһин «Кыра куораттары уонна историческай поселениелары сайыннарыы» Бүтүн Арассыыйатааҕы пуорум чэрчитинэн ыытылынна. Кыайыылаахтары уонна призердары уобаластааҕы драматическай тыйаатырын сыанатыгар чиэстээтилэр.

«Бу Кыайыы сүнньүнэн эрэгийиэн уратытын, нэһилиэнньэ наадыйыытын уонна сайдар кэскилин учуоттуур куораттар сайдыыларын стратегияларын ырытан оҥорууга уонна олоххо киллэриигэ бастыҥын көрдөрдө. Ону тэҥэ былааннааһын хаамыытыгар олохтоохтору көхтөөхтүк тардан, санааларын, этиилэрин учуоттаан куорат сайдыытыгар сөптөөх быһаарыылары ылынар. Дойду ТОП-5 бастыҥ эрэгийиэннэрин ортолоругар киирии — бу куораттааҕы былааннааһын быраактыкатын олоххо киллэриигэ биһиги үлэбитин билиниитин уонна сөптөөх суолга тирэҕирэн үлэлиирин бигэргэтэр. Биһиги бырагыраамабытын уонна көҕүлээһиммитин салгыы сайыннарыахпыт, Саха сирин олоҕор өссө тупсаҕай көстүүлээх  эрэгийиэнин оҥоруохпут, — диэн СӨ кылаабынай архитектора Любов Папок иһитиннэрдэ. РФ Тутуу министиэристибэтэ 30-тан тахса киритэрийгэ олоҕуран бырайыак лидердэрин быһаарда. Номинация лауреаттарынан Саха сирэ, Татарстан, Москва, Тульскай уонна Липецкай уобаластар буоллулар. Номинация кыайыылааҕынан Москва уобалаһа ааттанна.