Саха Өрөспүүбүлүкэтигэр Аҕа күнүнэн Ил Дархан Айсен Николаев эҕэрдэтэ

Саха сирин ытыктабыллаах олохтоохторо!

Саха Өрөспүүбүлүкэтигэр Аҕа күнүнэн итии-истиҥ эҕэрдэ!

СӨ Бастакы Бэрэсидьиэнэ Михаил Николаев ыйааҕынан тэриллибит бу бырааһынньык өрөспүүбүлүкэҕэ бэлиэтэнэр. Михаил Ефимович бу бэлиэ күнү бастакынан олохтообута, Арассыыйаҕа Аҕа күнэ 2021 сылтан национальнай бырааһынньык статуһун ылбыта, дьиэ кэргэҥҥэ аҕа оруолун суолтатын үрдэтэр сыаллаах.

Биһиги хотугу тыйыс кыраайбытыгар аҕа былыр-былыргыттан ураты суолтаны ылар. Кини — дьиэ кэргэн аҕа баһылыга уонна көмүскээччитэ, көрөн-истэн, көмөлөһөн биэрээччитэ, мантан чугас дьоно-сэргэтэ этэҥҥэ буолуута тутулуктаах. Аҕа холобуругар оҕолор иитиллэн-уһаарыллан тахсаллар, дьоһун дьон, Ийэ дойдуларын көмүскээччи уонна патриот буолаллар. Саха сиригэр мэлдьи оннук этэ уонна оннук буола туруоҕа даҕаны.

Бу байыаннай дьайыы кэмигэр ордук көһүннэ. Саха сирин элбэх олохтооҕо — дьиэ кэргэттэр аҕа баһылыктара — Ийэ дойдуларын көмүскүүллэр, эйэлээх олоҕу, кырдьыгы туруулаһаллар. Кинилэр хорсун-хоодуот быһыыларынан Саха сирэ бүттүүнэ, бүтүн аан дойду киэн туттар!  Бүгүн байыаннай дьайыы сиригэр Ийэ дойдуларын көмүскүү, эйэлээх олоҕу туруулаһа сылдьааччылар — дьиҥнээх Дьоруойдар. Биһиги хорсун-хоодуот байыастарбыт туһунан Арассыыйа Бэрэсидьиэнэ ытыктабыллаахтык эппитэ, бэлиэтээбитэ. Кинилэр оҕолоругар, өрөспүүбүлүкэ бары оҕолоругар дьиҥнээх хорсун-хоодуот уонна бэриниилээх болуу холобурунан буолаллар.

Үүнэр көлүөнэни иитиигэ аҕа оруолун үрдэтии өрөспүүбүлүкэ судаарыстыбаннай бэлиитикэтин биир сүрүн хайысхатынан буолар. Биһиэхэ дьиэ кэргэҥҥэ, ийэҕэ, оҕоҕо, уопсастыбаҕа аҕа оруолун үрдэтиигэ элбэх өйөбүл оҥоһуллар. Бу сыллата ыытыллар «Аҕа күрэҕэ» өрөспүүбүлүкэтээҕи күрэхтэһии буолар. Быйыл күрэхтэһии Мэҥэ Хаҥаласка «Ураһалаахха» муус устар 6-7 күннэригэр буола  турар.

«Ытык аҕа» («Почетный отец») бэлиэтэ. Өрөспүүбүлүкэҕэ Аҕа күнүгэр сыл ахсын өрөспүүбүлүкэ сайдыытыгар кылаатын киллэрсибит үс аҕа наҕараадаланар.

Былырыын дьиэ кэргэн институтун бөҕөргөтөр уонна өрөспүүбүлүкэҕэ оҕону иитиигэ аҕа оруолун үрдэтэр соруктаах, РФ Аҕа күнүн чэрчитинэн, аан бастаан «Отец Года» далааһыннаах күрэхтэһии ыытыллыбыта. Бу күрэскэ 11  улуустан 19  хамаанда кыттыыны ылбыта.

Ытыктабыллаах аҕалар!

Барыгытын бырааһынньыгынан эҕэрдэлиибин! Аҕа диэн — дьиэ кэргэҥҥэ эрэ буолбакка, Ийэ дойдутун иннигэр эмиэ улахан эппиэтинэс. Эһигиттэн тутулуктаах, өрөспүүбүлүкэбитин, дойдубутун көмүскүүр, сайыннарар үүнэр эдэр көлүөнэ хайдах дьон буола улаатара. 2024 сыл Арассыыйаҕа Дьиэ кэргэн, СӨ — Оҕо саас сылынан биллэриллибитэ.

Барыгытыгар кытаанах доруобуйаны, дьолу, этэҥҥэ буолууну! Оҕолоргут үтүө дьон буола улаатан, ситиһиилэринэн, кыайыыларынан үөрдэ-көтүтэ сылдьалларыгар баҕарабын!

Саха Өрөспүүбүлүкэтин Ил Дархана А.С. Николаев