Саха Өрөспүүбүлүкэтин бэрэстэбиитэлэ Билии.Бириэмийэ эспиэртиир сэбиэтигэр киирдэ

Дойду Билии.Бириэмийэ сүрүн сырдатар наҕараадата эспиэртиир сэбиэт састаабын билиһиннэрдэ. Манна Арассыыйа бары эрэгийиэннэриттэн 300-тэн тахса бэрэстэбиитэл киирдэ. Кинилэр 15 номинацияҕа барыллаан хандьыдаттаар испииһэктэрин түмүөхтэрэ, ону тэҥэ, бастыҥ сырдатааччыны уонна дойду хас биирдии субъегар сырдатар бырайыагы талыахтара.

Билии.Бириэмийэ эспиэртиир сэбиэтигэр бастакы проректор – Арктикатааҕы култуура уонна ускуустуба судаарыстыбаннай институтун ыччат бэлиитикэтигэр, иитии итиэннэ норуоттар икки ардыларынааҕы үлэҕэ проректора Станислав Иванов киирдэ.

“Арассыыйа эрэгийиэннэригэр бастыҥнары талар туһугар, сыаналааһыны кырдьыгынан көрөр систиэмэни оҥорбуппут: хас биирдии сайаапканы биэс эспиэр көрөр. Бириэмийэҕэ холонор хандьыдаат сылдьар эрэгийиэниттэн биир эрэ киһи киирэр. Бу эрдэттэн суоттааһыны суох оҥорор уонна дойду араас муннугуттан кыттааччылар уопуту атастаһалларын хааччыйар” – диэн Арассыыйатааҕы “Билии” уопсастыба генеральнай дириэктэрин солбуйааччы Кирилл Хвиль этэр.

Билии.Бириэмийэ – педагогтар, лектордар, ааптардар, блогердар, билими билиһиннэрээччилэр уонна сырдатыы атын диэйэтэллэрин көрдөрөр, ону тэҥэ, араас эйгэттэн сырдатар бырайыактары, хампаанньалары бэлиэтиир инниттэн 2021 сыллаахха Арассыыйатааҕы “Билии” уопсастыба олохтообут дойду сүрүн сырдатар наҕараадата. Биэс төгүл ыытыллыбытын устата бырайыакка Арассыыйа 89 эрэгийиэниттэн уонна 79 тас дойдуттан 65 984 сайаапка киирбит. Сиһилии манна ааҕыҥ.