Ульяновскай куоракка художественнай гимнастикаҕа «Симбирская краса» Бүтүн Арассыыйатааҕы күрэхтэһии буолла.
СӨ художественнай гимнастикаҕа федерациятын пресс-сулууспата иһитиннэрбитинэн, «Татьяна-Арена» художественнай гимнастика дыбарыаһыгар араас эрэгийиэннэртэн: Мордовияттан, Татарстантан, Чувашияттан, Саха сириттэн, Пермь кыраайыттан, Астрахань, Пенза, Самарскай уонна Ульяновскай уобаластартан, Ямало-Ненецкай АО, Москваттан уонна Санкт-Петербургтан кыттааччылар күрэхтэстилэр.
Киирсиилээх күрэхтэһиигэ Саха сирин хамаандата успуорт маастарын бырагырааматыгар үһүс миэстэни ылла. Бу хамаанда бөлөҕүнэн күрэхтэһиилэргэ Ульяновскайга тириэньэр Оксана Казанцеваҕа үһүс сылын дьарыктанар. Гимнасткалар бу сыллар тухары үчүгэй ситиһиилэннилэр. Кинилэр сүрүн соруктара -– успуорт маастарын аатын ылыы, оччоҕуна инникитин успуорт үрдүк үөрэҕин, идэлээх тириэньэр квалификациятын ылар кыахтаналлар. Ону таһынан кыргыттар Саха сиригэр гимнастика успуорт көрүҥүн быһыытынан сайдарыгар уонна гимнасткалар саҥа көлүөнэлэрин иитэргэ бэйэлэрин кылааттарын киллэриэхтэрин баҕараллар.
Ульяновскайга күрэхтэһиилэр кэннилэриттэн Гимнастика уонна тириэньэр күнүгэр аналлаах бырааһынньыктааҕы кэнсиэркэ Саха сирин сүүмэрдэммит хамаандатын кыргыттара сахалыы композицияны көрдөрдүлэр.
Өрөспүүбүлүкэ художественнай гимнастикаҕа федерациятын ситэриилээх дириэктэрэ Вячеслав Ефимов өрөспүүбүлүкэ сүүмэрдэммит хамаандатын чилиэннэригэр Карина Рузановаҕа уонна Адель Шарафутдиноваҕа РФ успуорка маастарын дастабырыанньатын уонна значогун туттарда. Бу үөрүүлээх түгэн эдэркээн гимнасткалар олохторугар олус суолталаах кирбиинэн буолар.
Вячеслав Ефимов ону таһынан СӨ федерациятын бэрэсидьиэнэ Людмила Николаева Ульяновскай уобалас федерациятыгар эҕэрдэтин тириэртэ.
Сылын ахсын ыытыллар ыам ыйын 9 күнүгэр Аҕа дойду Улуу сэриитин Кыайыытын уһансыбыт буойуттар ааттарын…
– Хапытаалынай өрөмүөҥҥэ иэстээхтэри кытта хайдах үлэлэһэҕит? Суукка ыытаҕыт дуу? С.Алексеева. “СӨ Элбэх кыбартыыралаах дьиэлэри…
Саха сириттэн чэпчэки атлетикаҕа спортсменка Алена Татаринова Татарстааҥҥа ыытыллыбыт Арассыыйа чөмпүйэнээтигэр марафоҥҥа иккис миэстэни ылла.…
Ыам ыйын 6 күнүгэр Татарстаан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар…
Бу күннэргэ оҕуруоччуттарга эппиэттээх кэм саҕаланна. Өлгөм үүнүүлээх оҕуруот аһын ылары ситиһэргэ кэмигэр уонна хаачыстыбалаах…
Михаил Мишустин Госдуумаҕа дойду бырабыыталыстыбатын бэрэссэдээтэлин солбуйааччыларын уонна федеральнай миниистирдэр дуоһунастарыгар кандидатуралары бигэргэтэргэ испииһэги киллэрдэ.…