Хаартыска sakha.gov.ru ылылынна
Ытыктабыллаах Саха сирин олохтоохторо!
Саха Өрөспүүбүлүкэтин салалтатын аатыттан уонна тус бэйэм Арассыыйа Федерациятын Конституциятын күнүнэн эҕэрдэлиибин!
Арассыыйа Федерациятын Конституцията – дойдубут үрдүкү сокуона. Конституция киһи быраабын уонна көҥүлүн, гражданнар эйэлээх уонна сөбүлэҥнээх буолууларын, Арассыыйа Федерациятын элбэх омуктаах норуотун тэҥ бырааптаах буолар тосхоллорун уонна бырааптарын, Аҕа дойдуга ытыктабылы, кэрэҕэ уонна сиэрдээх буолууга итэҕэли бигэргэтэр.
Гражданскай уопсастыба сайдыытын уонна аан дойдуга балаһыанньа уларыйыытын кытта Арассыыйа Федерациятын Конституцията тэҥҥэ тупсар, манна сүрүн болҕомто норуот инники сайдыытыгар ууруллар.
Дойду Бэрэсидьиэнэ Владимир Путин Арассыыйа Федерациятын Конституциятыгар суолталаах көннөрүүлэри киллэрэри көҕүлээбитэ. 2020 сыл от ыйыгар бу көннөрүүлэри нэһилиэнньэ үгүс өттө өйөөбүтэ. Үрдүкү сокуоҥҥа бэйэ суверенитетын уонна дойду сирин-уотун биир кэлимин, устуоруйа кырдьыгын көмүскэлин хааччыйыы, Аҕа дойду көмүскэлигэр норуот хорсун быһыытын намтатыы суох буолуохтаах диэн суолталаах көннөрүүлэр киирдилэр.
2023 сылга элбэх мөккүөр уонна норуот ырытыһыытын кэнниттэн Арассыыйа Конституциятыгар эбии уларыйыылар киирбиттэрэ. Бу уларыйыылар дойду олоҕун араас таһымнарын таарыйаллар уонна судаарыстыба салгыы сайдыытыгар уонна бөҕөргөөһүнүгэр туһуланаллар.
Сүрүн уларыйыылартан биирдэстэринэн «сувереннай демократия» диэн саҥа өйдөбүл киириитэ буолар. Конституцияҕа сөп түбэһиннэрэн Арассыыйа демократическай бырааптаах судаарыстыба буоларын быһыытынан, куоластааһын уонна референдум көмөтүнэн норуот былааһы олохтуур. Ону таһынан, сувереннай демократия Арассыыйа суверенитетын көмүскэлин уонна национальнай интэриэс инники күөҥҥэ буоларын сабаҕалыыр.
Уларыйыы барыта норуот олоҕо тупсарыгар, дойду бигэ туруктаах буоларыгар туһуланар. Бу барыта киһи сүрүн быраабын уонна көҥүлүн, Арассыыйа Федерациятын сиригэр-уотугар гражданнар бырааптарын хааччыйыыга эбии ис тутула буолар. Уопсастыба бары араҥата сайдарыгар сиэрдээх уонна тэҥ бырааптаах эйгэни тэрийэр.
Күндү өрөспүүбүлүкэ олохтоохторо!
Бүгүн Саха сирэ тэтимнээхтик сайдар, нэһилиэнньэ олоҕун тупсарарга туһуламмыт национальнай бырайыактары, социальнай бырагыраамалары олоххо киллэрэр Арассыыйа субъектарыттан биирдэстэрэ буолар. Биһиги дойдубут сүрүн сокуона – Арассыыйа Федерациятын Конституцията курдук көмүскэллээхпит эрэли үөскэтэр уонна саҥа саҕахтары арыйарбытыгар төһүү күүс буолар.
Бу үөрүүлээх күҥҥэ барыгытыгар чэгиэн-чэбдик, этэҥҥэ буолууну, дьолу-соргуну, итиэннэ өрөспүүбүлүкэбит уонна улуу дойдубут туһугар үлэҕитигэр ситиһиилэри баҕарабын!
Саха Өрөспүүбүлүкэтин Ил Дархана А.С. Николаев
Судаарыстыбаннай Дуума ыам ыйын 13-14 күннэригэр ыытыллыбыт мунньахтарга бырабыыталыстыба саҥа састаабын бигэргэттэ. Дойду сэбилэниилээх күүһүгэр…
Бөһүөлэккэ чугаһаабыт тыатааҕыны утары хайдах миэрэ ылыллыахтааҕын туһунан Сунтаар улууһугар Айылҕа харыстабылын инспекциятын салайааччыта Сергей…
Ил Түмэн көрүүтүгэр норуот дьокутааттара дойдуга Дьиэ кэргэн сылыгар Саха сиригэр өр кэмҥэ ыал буолан…
Ыам ыйын 15 күнүгэр, сэрдэҕэ, "Азия оҕолоро" оонньуулар Уотун эстэпиэтэтин Муома улууһугар көрүстүлэр. Норуоттар икки…
Уочараттаах "Олоххун уларыт!" аһымал социальнай аахсыйа бүгүн, ыам ыйын 16 күнүгэр, Дьокуускай куоракка ыытыллыаҕа. Бу…
Бу күннэргэ “Туймаада ыһыаҕа-2024” национальнай бырааһынньык официальнай саайта үлэтин саҕалаата. Дьокуускай куорат дьаһалтатын пресс-сулууспата иһитиннэрбитинэн,…