Хаартыска: Ньурба улууһун телеграмыттан.
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ сүрүн боппуруоһунан 2027 сыл от ыйыгар Ньурба улууһугар ыытыллыахтаах СӨ норуоттарын IX спортивнай оонньууларын официальнай ымыытын талыы буолбут.
Хамыыһыйа көрүүтүгэр улуус олохтоохторуттан элбэх үлэ киирбит. Ыйыллыбыт ирдэбилинэн хас биирдии бырайыагы ымпыгар-чымпыгар тиийэ ырытан, сыаналаан баран, кыайыылааҕынан Ариана Артуровна Евсеева үлэтин талбыттар. Кини ымыыга түһэрбит чаҕылхай, ураты уобараһа, ыытыллаары турар Оонньуу тыынын, Ньурба улууһун успуордун суолтатын, култууратын уратытын ордук толорутук тириэрдэр диэн ыйбыттар.
Кыайыылаах эскииһин айар бөлөххө, дизайнердарга тиксэрбиттэр. Онно олоҕуран анал идэлээх дизайнердар киэҥ далааһыннаах успуорт бырааһынньыгын толору бренд-бугун – сувенирнай оҥоһуктан, полиграфияттан саҕалаан тас угуйукка, успуорт эбийиэгин тупсарыыга тиийэ киэргэтиигэ олук буолуоҕа.
Күөн күрэс балаһыанньатыгар олоҕуран, Ариана Евсеева 25 000 солк. кээмэйдээх харчынан бириэмийэлэниэҕэ. Итини таһынан, тэрийээччилэр айар күрэс бары кыттыылаахтарын кылааттарын бэлиэтээбиттэр. Хас биирдиилэрэ күөн күрэскэ кыттыбыттарын туоһулуур сэртипикээттэри тутуохтара.
Бу туһунан Ньурба улууһун дьаһалтатын пресс-сулууспата иһитиннэрэр.
«Атамай» КСК киэҥ уораҕайыгар бэрт туһалаах уонна сэргэх тэрээһин буолла. Манна Октябрьскай, Кировскай, Маҕаны, Маалтааны,…
Күн-дьыл билгэтэ. Кыһын халлаан сылыйарыгар: -кутуйах ойуур иһинээҕи уйатыттан тахсан хаарга сүүрэр; -күн тоҥон кытарар;…
Бу нэдиэлэҕэ Күрүлгэҥҥэ баар Күн саҥа, ураты быһаарыылары ылынарга күүс биэриэ. Венера Балыктарга интуицияны күүһүрдүө,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Киин улуустарга сорох сиринэн туманнаах.…
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…