Бу күннэргэ Дьокуускай куоракка баар Саха гимназията Улуу Кыайыы күнүн көрсө, «Строительнай ырыынак» бастыҥ быыстапкалыыр саалатыгар «ЭЙИЭХЭ, САЛЛААККА…..» анал байыаннай дьайыыга сылдьан бааһырыыны, эчэйиини ылан госпитальга эмтэнэ сытар байыастарга көмөлөһөргө анаан аһымал аахсыйаны тэрийэн ыытта.
Анал байыаннай дьайыыга гимназия үс выпускнига кыттыбыта. Хомойуох иһин, биир уол кыргыһыы хонуутугар сырдык тыына быстыбыта, икки уол улахан бааһырыыны ылан госпитальга эмтэммиттэрэ. Онон, бу үөрэх тэрилтэтин кэлэктиибэ, уолаттарын уонна Аҕа дойдуну көмүскээччилэр тустарыгар көмөлөһүүнү ытык иэһинэн ааҕар.
Бу үтүө дьыала тэрээһинигэр учууталлар, төрөппүттэр, оҕолор, ким да туора туран хаалбакка, бары көхтөөхтүк кытыннылар. Аахсыйаттан киирбит үбү Аҕа дойду буойуннарын дьиэ кэргэннэрин кэмитиэтин салайааччытыгар, Саха гимназиятын выпускнигын амарах ийэтигэр, Светлана Владимировна Диодороваҕа туттардылар.
«Аахсыйа түмүгүнэн 70 тыыһынчаттан тахса харчы киирдэ, ону Санкт-Петербург куоракка эмтэнэ сытар саллаат уолаттарбытыгар анаан ыыттыбыт. Түгэнинэн туһанан «Строительнай ырыынак» сүрүн дириэктэригэр Иван Иванович Даниловка уонна көмөлөһөөччүтүгэр Айсен Семенович Эверстовка махталбытын тириэрдэбит. Инникитин өссө «Урбаан уонна оскуола» бырайыакпыт чэрчитинан ыкса үлэлэһиэхпит диэн эрэнэбит», — диэн Светлана Диодорова махталын биллэрэр.
Гимназия салалтата үтүө үгэскэ кубулуйбут дьаарбаҥкаҕа көхтөөхтүк кыттыбыт учууталларыгар, төрөппүттэригэр махтанарын, оскуола туһугар бары биир киһи курдук кыһаллан көмөлөһөллөрүн үрдүктүк сыаналыылларын эттэ.
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…