Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах «Дьокуускай — Донецкай» телемост буолла. Телемостка Донецкайтан Дьокуускай куорат баһылыга Евгений Григорьев, волонтердар, учууталлар кытыннылар.
Саха гимназиятын үөрэнээччилэрэ байыаннай дьайыы саҕаланыаҕыттан «Дети-волонтеры Саха» уопсастыбаннай хамсааһыҥҥа кыттыһан, саллааттарга сурук суруйаллар, гуманитарнай көмө оҥороллор, харыстыыр сиэккэлэри баайаллар. Бу үлэни гимназия дириэктэрэ Валентина Васильевна Софронеева өйөбүлүнэн, «Волонтеры Саха» хамсааһын чилиэнэ, нуучча тылын уонна литэрэтиирэтин учуутала Марианна Васильевна Ордахова сүрүннүүр. Онон, бүгүҥҥү телемост Саха гимназиятыгар ыытыллыбыта мээнэҕэ буолбатах.
Тэрээһини «Волонтёры Туймаады» уопсастыбаннай хамсааһын салайааччыта Антонина Степановна Титова иилээн-саҕалаан ыытта. Кини Саха сирин волонтердарын үлэтин, былааннарын кэпсээтэ, санаа атастаста.
Дьокуускай куорат баһылыга Евгений Григорьев Саха сирин волонтердара Донецкай үтүө санаалаах уопсастыбанньыктарыгар ыыппыт харысхалларын, эйэ уонна үтүө бэлиэтин — туллуктары туттартаата. Итиэннэ үтүө дьыалаҕа кыттыһа сылдьар амарах санаалаах волонтердарга махталын тириэртэ.
Санатан эттэххэ, педагог-тэрийээччи Антонина Степановна Титова «Туймаада волонтердара» диэн Дьокуускай куоракка олорор волонтердар түмсүүлэрин тэрийбитэ уонна «Туллук – эйэ уонна үтүө бэлиэтэ» диэн бырайыагы көҕүлээбитэ.
«Бүгүн эһиги өрөспүүбүлүкэ уһуйааннарын бастыҥ иитээччилэрэ оҥорбут харысхалларын — туллуктары бэлэх туттугут. Маннык туллуктары биһиги госпиталларга, байыаннай дьайыы сиригэр биир дойдулаахтарбытыгар ыыппыппыт. Биһиги миссиябыт — аҥаардас үлэһиттэри эрэ буолбакка, оҕолору, төрөппүттэри үтүө дьыалаҕа кыттыһыннарыы, төрөөбүт ийэ дойдуга тапталы күүһүрдүү буолар,» — диэн Лена Дмитриевна бэлиэтээн эттэ.
15-с нүөмэрдээх оскуолаттан бырайыак координатора Марияна Алексеевна Кузьмина оҕолор харыстыыр сиэккэлэри баайалларын, волонтердар хамсааһыннарыгар өрүү кыттыһалларын кэпсээтэ.
Телемост кэмигэр донецкайдар маннык быһа холбонуулары, санаа атастаһыыларын өрүү ыытарга этии киллэрдилэр. Итиэннэ Саха сирин олохтоохторугар, волонтердарга махталларын тириэртилэр.
https://t.me/sakhasire20/60446?single
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…