Хаартыска: Д.Артемьев тиксэриитэ
Саха сирин норуодунай артыыһа, Арассыыйа уонна Саха сирин үтүөлээх артыыһа Дмитрий Артемьев атырдьах ыйын 25 күнүгэр Бурятияҕа Аршан туһаайыытынан баар «Пик Любви» сис хайатын дабайан, куруук илдьэ сылдьар сахатын хомуһун лыҥкыната тыаһатта.
«Пик любви» сис хайа Бурятия Өрөспүүбүлүкэтин Тункинскай оройуонун сиригэр-уотугар баар, 2124 м үрдүктээх. Аатырбыт сис хайаттан Тункускай хочо бу нэлэһийэ сытар буолар. Маннык үрдүккэ тахсан, бэйэлэрин тургутан көрүөн баҕалаах дьон, туристар даҕаны сыл аайы элбээн иһэллэр.
Дмитрий Артемьев кэпсээбитинэн, «Пик любви» сис хайаҕа ортотунан 4-5 чаас устата дабайан тахсаҕын.
Үһүйээннэргэ кэпсэнэринэн, манна бэйэтин дьылҕатын көрсүөн уонна тус бэйэтин тургутан көрүөн баҕалаах хорсун дьон ытталлар. Кинилэр хайаттан өйдүүн-санаалыын ырааһыран төннөллөр.
Дмитрий Артемьев:
— Бастаан Бангкок-Паттайя сынньаммытым. Онтон Иркутск-Аршан кэлбитим. Манна даҕатан эттэххэ, Аршаҥҥа хаһыс да сырыым. Ити «Пик любви» үрдүк хайаны ыраахтан одуулуу-одуулуу тахсыахпын олус баҕарарым да, куттанарым, салларым. Үксүн дацанна Тибеттэн кэлбит лаамалары кытары кэпсэтэрим, бүрээт ойууннарыгар сылдьарым. Онтон бу сырыыга «Уонна хаһан?!» диэн баран түһүнэн кэбистим. Үрдүк хайаҕа таастарынан тахсар дьэ, абытай сылаалаах эбит. Онно холоотоххо, көнө сиринэн хаамар, сүүрэр чэпчэки. Ип-итиигэ 20 килэмиэтир үрдүккэ таастарынан тахсыы манан дьыала буолбатах эбит, төттөрү түһүү өссө ордук кутталлаах. Ол да буоллар, баҕа санаабын толордум, өссө биир чыпчаалы дабайдым диэн дуоһуйдум.
https://https://youtu.be/gm0-hXgXHTM?si=k994gF6mlaSwwKpf
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…