Саха киинэлэрэ «рекорд» олохтууллар

Бу сылга Саха сирин киинэтыйаатырдара 9  саха киинэтин көрдөрдүлэр.  Мантан алтата  билиэти атыылаан харчыны киллэриигэ (кассовый сбор) инники күөҥҥэ сылдьаллар.

Онон, билиэти атыылааһыҥҥа рекорд олохтоммут  2023 сылга  — 95 мөл. солк.,  2022  сыл — 73 мөл. солк.,  2021 сыл  — 61 мөл. солк. үп киирбит.

Сыл бүтүүтэ быйылгы көрдөрүү  100 мөл. солк. диэри улаатыан сөп.  Бу манна соторутааҕыта  улахан экраҥҥа тахсыбыт «Харчы. Иэстэбил» уонна ахсынньы 21 күнүттэн көстүөхтээх  «Зина Леха-2. Новогодний маскарад» киинэлэр  төһүү күүһүнэн буолуохтара. «Экстра Синема» генеральнай дириэктэрэ  Петр Чиряев этэринэн, хомуур улаатыыта өрөспүүбүлүкэ улуустарыгар саҥа киинэсаалалара баар буолбуттара  улахан оруолламмыт.