Саха киинэлэрин сокуоннайа суох тарҕатан буруйга тардылынна

Саха киинэлэрин сокуоннайа суох тарҕатан буруйга тардылынна

08.12.2022, 20:00
Бөлөххө киир:

Арассыыйа Силиэстийэлиир кэмитиэтин Саха сиринээҕи салаатын Дьокуускай куораттааҕы Силиэстийэлиир отдела киин куорат 30 саастаах олохтооҕун буруйдуур бириигэбэрэ таҕыста.

Кини РФ Холуобунай кодексын 146 ыст. 3 ч. ыст. «в» пуунунан (ордук улахан кээмэйдээх хоромньуну оҥорон ааптар быраабын сокуоннайа суох туһаныы) 8 эпизодтаах буруйу оҥорон миэрэҕэ тардылынна.
Силиэстийэнэн уонна суутунан быһаарыллыбытынан, 2020 с. устата буруйданааччы, киинэ хампаанньатыттан көҥүлэ суох, суотабай төлөпүөнүгэр уус-уран киинэлэри хачайдаан, мобильнай ситимнэргэ босхо көрөллөрүгэр таһаартаабыт.
Силиэдэбэтэл быһаарбытынан, эр киһи көҥүлэ суох 8 киинэни тарҕаппыта быһаарылынна. Онуоха өрөспүүбүлүкэ кинотеатрдарыгар билиэт сыаната ортотунан 297 солк. эбит.
Ол курдук киинэ хампаанньатын ааптарыскай быраабын кэһии түмүгэр, хампаанньаҕа улахан хоромньу тахсыбыт. Силиэстийэлиир үлэлэр тиһиктээхтик ыытылланнар сөптөөх дакаастыыр бааза хомулунна.
Суут бириигэбэринэн эр киһи буруйдааҕынан ааҕылынна уонна үс сылга усулуобунай болдьоххо көҥүлэ быһылынна. Сокуон бириигэбэрэ күүһүгэр киирдэ.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: