Хаартыска: pxhere.com/ru/photo
Көрөөччү дьүүлүгэр тахсыан да иннинэ номнуо дьон сэҥээриитин ылбыт “Мэхээлэчээн булчут” киинэ премьерата алтынньы 30 күнүгэр буолуохтаах. Атын киинэлэртэн уратыта диэн, манна артыыс дьиҥнээх эһэни миинэр. Хайдах?
“Мэхээлэчээн булчут” телеграм-ханаалга: “Бүгүн дойду барыта Арассыыйа киинэтин күнүн бэлиэтиир. Онтон биһиги киэн туттар ураты төрүөттээхпит. Киинэ былаһааккатыгар “Мэхээлэчээн булчут сүрүн дьоруойа дьиҥнээх эһэни миимитэ! Кырдьык, графиканан оҥоһуу буолбакка, дьиҥнээх эһэни! Бу саха киинэтигэр аан бастакы көстүү.
Көрөөччүлэри саха киинэтин устуоруйатыгар киирэр умнуллубат, ураты көстүүлээх хартыына күүтэр” – диэн суруйаллар.
Санатан эттэххэ, “Мэхээлэчээн булчут” киинэни Амманан, Кэбээйинэн, Горнайынан, Абыйынан, оннооҕор Москваҕа тиийэ икки сыл устата уһуллулар.
Тыатааҕы уһуллуутун туһунан киинэ режиссера Александр Лукин “Саха сирэ” хаһыакка интервью биэрэригэр 3 миэтэрэлээх тыатааҕыны Москваҕа чааһынай дьону кытта кэпсэтэн булбуппут диэн этэн аһарбыттаах. “Онон “Мэхээлэчээн булчут” киинэҕэ оччолорго сэттэ саастаах сүрүн дьоруой Дамир Дьяконов дьиҥнээх эһэни миинньэр” – диэн эппитэ.
Киинэҕэ итинтэн ураты кыыл-сүөл, соһуччу түгэн элбэх дэһэллэр. Ону барытын алтынньы 30 күнүгэр буолар “Мэхээлэчээн булчут” премьератыгар тиийдэхпитинэ эрэ илэ көрөр кыахтаахпыт.
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…