Хаартыска: Сахагов.ру
2025 сыл 9 ыйыгар саха киинэлэриттэн киирбит дохуот 200 мөлүйүөн солкуобайы куоһарда. Былырыын дохуот уопсайа 157 мөлүйүөн солкуобай этэ.
Маннык түмүгү ыларга көмөлөспүт бырайыактартан биирдэстэринэн «Алдан» байыаннай драма, байыаннай дьайыы дьоруойдарын туһунан киинэ буолар. Арассыыйа бэрэсидьиэнэ Владимир Путин бу киинэни уһулар туһунан идиэйэни өйөөбүтэ. Киинэ каассабай дохуота 13 мөлүйүөн солкуобайтан тахсыбыта. Киинэ соторутааҕыта Юрий Озеров аатынан 21-с норуоттар икки ардыларынааҕы байыаннай киинэ бэстибээлигэр Евгений Родионов аатынан анал бириэмийэни ылбыта.
Бу ситиһиигэ улахан оруоллаах атын киинэлэр: «Диодорова. Против течения», «Кончится лето», «Спид Стар», «Мин аатым Таптал», «Мой парень — Айдол!», «Карина», «Кукушка», «Белый пароход».
Саха киинэтин феномена — өр сыллартан былааннаммыт уонна систиэмэлээх үлэ түмүгэ. Ол курдук, Ил Дархан Айсен Николаев сорудаҕынан, өрөспүүбүлүкэҕэ киинэ устааччылар ортолоругар национальнай киинэ оҥоһуутун сайыннарыыга уонна саҥардыыга өрөспүүбүлүкэтээҕи судаарыстыбаннай бүддьүөттэн субсидия ылыыга 2020 сылтан ыла куонкуруһунан талыы сыллата ыытыллар.
Национальнай киинэлэри тарҕатыыга, көрдөрүүгэ сыһыаннаах айар бырайыактары оҥорууга уонна олоххо киллэриигэ маннык хайысхаларга субсидия бэриллэр: ааптар киинэлэригэр, оҕо киинэлэригэр, мультипликационнай, дебютнай, документальнай киинэлэргэ, Арассыыйа уонна аан дойдутааҕы киинэ бэстибээллэригэр киинэни тарҕатыыга, телесериалларга, Арассыыйа уонна тас дойдулар киинэ хампаанньаларын кытта бииргэ оҥорууга, саха литературатын айымньыларын уһулууга.
2020 сылтан 2024 сылга диэри 38 бырайыак өйөннө, уопсай суумата — 115,2 мөлүйүөнтэн тахса солкуобай.
«Өрөспүүбүлүкэҕэ киинэ сайдыытын салгыы өйүөхпүт уонна саҥа айар ситиһиилэргэ усулуобуйаны тэрийиэхпит. Саха киинэтин таптыыр дьоҥҥо барыларыгар махтал», — диэн Айсен Николаев эрдэ бэлиэтээбитэ.
2024 сыллаахха саха киинэлэрэ 30 дойдуга киинэ пуорумнарыгар 100 кэриҥэ бириэмийэни ылбыттара.
Сиһилии аах: https://www.sakha.gov.ru/news/14697
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…