Саха киинэтин рекорда: быйыл каассаҕа 174 мөл тахса солк. хомулунна

Биир кэлим автоматизированнай иһитиннэрэр систиэмэ (ЕАИС) биэрбит чахчытынан, бүгүн Арассыыйаҕа саха киинэтиттэн киирэр каассаҕа хомуурдар 174 мөл тахса солкуобай буолан, 2024 сыллааҕы рекорду куоһардылар. Онно сыл устата 157 мөл солк. этэ.

Саха киинэлэрэ аан бастаанАрассыыйа атын эрэгийиэннэригэр 50 мөл тахса солк. хомуйдулар, ол эрэгийиэммит кинематограбыгар федеральнай таһымҥа интэриэс улааппытын туоһулуур.

Маны сэргэ сыл саҕаланыаҕыттан саха киинэтэ тас дойдуттан 2 мөл тахса солк. киллэрдэ, онон аан дойду аренатыгар бигэ туруктанна.

”НИКА” национальнай бириэмийэ лауреатынан икки төгүл буолбут “Кончится лето” киинэ киэн туттуубут буолла. Өрөспүүбүлүкэҕэ саха киинэлэрэ киинэ тыйаатырдарыгар уопсай каассаҕа киирбит харчы аҥаарыттан ордугун хааччыйдылар.

РФ 2025 сылга харчыны киллэрбит саха киинэтин Топ-6 иһигэр киирдилэр:

– “Кончится лето” – 54,2 мөл солк.,  “Диодорова. Против течения” – 42,2 мөл солк.,  “Speed Star” (“Спид Стар”) – 29,7 мөл солк. – “Мин аатым Таптал” (“Меня зовут Любовь”) – 25,3 мөл солк., “Мой парень – Айдол” – 13,6 мөл солк. , “Алдан” – 8,1 мөл солк.

Урукку сыллар киинэлэрэ – 0,9 мөл солк.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата