Саха кикбоксердара Европа чөмпүйэнээтигэр кыттыахтара

Уһун тохтобул кэнниттэн Арассыыйа сүүмэрдэммит хамаандата кикбоксиҥҥа Европа чөмпүйэнээтигэр кыттыаҕа.

Саха сирин спортсменнара сэттэ сыллаах тохтобул кэнниттэн бу күрэхтэһиигэ бастакытын киирсиэхтэрэ. Санатар буоллахха, биһиги спортсменнарбыт бүтэһигин пандемия иннинэ  кыттыбыттара. Европа чөмпүйэнээтэ Молдавияҕа бэс ыйын 22-29 күннэригэр буолуоҕа.

Дойду сүүмэрдэммит хамаандатыгар саха кикбоксиҥҥа оскуолатын үс бэрэстэбиитэлэ киирдэ. Кинилэр бу күрэхтэһиигэ лоу-кик көрүҥэр бастакытын кыттыахтара.

Кишинев куоракка уопуттаах кикбоксердар Михаил Слепцов (54 кг), Михаил Иванов (71 кг) уонна Валентин Шелепанов (75 кг) айанныахтара. Дьокуускайга ыытыллыбыт уһун болдьохтоох хомуурдар кэннилэриттэн кинилэр бу эппиэтинэстээх күрэхтэһиигэ кыттарга бэлэмнэр. «Спортсменнарбытыгар ситиһиини баҕарыаҕыҥ!», — диэн «Триумф» пресс-сулууспата суруйар.