Хаартыска: ЯСИА
Ленскэй улууһуттан төрүттээх дзюдоист Надежда Татарченко алтынньы 17 күнүгэр дьахталлар ортолоругар Арассыыйа чөмпүйэнээтин 70 киилэҕэ диэри ыйааһыҥҥа түмүктүүр киирсиитигэр туһунна. Күрэх түмүгүнэн кини Иркутскайтан сылдьар утарсааччытыгар хотторон, бэһис миэстэ буолла.
Надежда Татарченко 78 киилэҕэ диэри ыйааһыҥҥа Арассыыйа чөмпүйэнээтин икки төгүллээх призерунан буолар. Бу сырыыга кини 70 киилэҕэ диэри ыйааһыҥҥа көстө. Бастакы киирсиитин саха кыыһа эрэллээхтик ааста, Ленинградскай уобаластан сылдьар Галина Агафонованы кыайда. Ол эрээри иккис эргииргэ киниэхэ Арассыыйа чөмпүйэнээтин икки төгүллээх призера, Санкт-Петербургтан сылдьар Ксения Медведева мэһэйдээтэ.
Онтон саха дзюдоиһа Санкт-Петербургтан сылдьар Дана Кириченконы баһыйан, Арассыыйа чөмпүйэнээтин боруонса мэтээлин иһин киирсэр быраабы ылла. Финалга кини атырдьах ыйыгар буолбут «Russian Judo tour» аан дойдутааҕы турнир кыайыылааҕын, Иркутскайтан сылдьар Дарья Васильеваны утары кииристэ. Киирсии тэҥнээхтик барда. Киирсии бүтүүтүгэр Татарченко утарсааччытын татамига быраҕан, «юко» сыананы ылла. Киирсии бүтүөн аҕыйах сөкүүндэ хаалбытын кэннэ саха дзюдоиһа утарсааччытын уон баалынан сыаналаммыт атаакатын мүччү тутан кэбистэ. Кыайыыга уонча сөкүүндэ тиийбэтэ. Түмүгэр боруонса мэтээл Иркутскайга барда, оттон Татарченко бэһис миэстэ буолла.
Өлүөхүмэ улууһугар «Умнас» трасса 652-с килэмиэтиригэр Дьороху үрэҕи туоруур күргэ хапытаалынай өрөмүөнэ түмүктэниэ. Бу туһунан…
СӨ Ил Дархана Айсен Николаев уонна Арассыыйа Буостатын генеральнай дириэктэрэ Михаил Волков өрөспүүбүлүкэҕэ буоста сибээһин…
Алтынньы 16 күнүгэр Саха сирин Ленскэй улууһугар киһи өлүлээх суол быһылаана таҕыста. Бу туһунан ГАИ…
«Мой бизнеч» киин байыаннай дьайыы кыттыылаахтарыгар, бойобуой дьайыылар бэтэрээннэригэр, ону таһынан кинилэр дьиэ кэргэттэригэр аналлаах…
«Филадельфия» роллар – элбэх углеводтаах, сыалаах уонна калорийдаах ас. Сушины сииртэн туттуналлара наадалаах дьон эмиэ…
“Кэлэр кыһын хаһааҥҥытааҕар даҕаны тымныы буолар үһү” диэн кэпсэтии кэлин үксээтэ. Хайдах кыһын кэлиэҕин айылҕа,…