Хаартыска: «Пятница!» ханаал пресс-сулууспата
Бүгүн, сэтинньи 1 күнүгэр, киэһэ 19:00 чаастан «Пятница!» ханаалга «Царица» вокальнай шоуга Саха сириттэн Айыллаана Макарова кыттыаҕа.
Дьокуускайтан 22 саастаах саха кыыһа Айыллаана Макарова бу иннинэ «Новые пацанки» шоуга кыттыбыта. «Пятница!» ханаал пресс-сулууспатыгар иһитиннэрбиттэринэн, бастакы күн сыанаҕа Арассыыйа араас муннуктарыттан 22-тэн 45- гэр диэри саастаах 21 кыргыттар тахсыахтара. Бырайыак бастакы таһаарыытын кэннэ номнуо 9 кыттааччы туоруоҕа. Ити курдук салгыы 12 кыттааччы финалга тахсар иһин киирсиэхтэрэ. «Царица» бырайыак кыайыылааҕар 1,5 мөлүйүөн солкуобайдаах бириис туттарыаллыаҕа.
Айыллаана оҕо эрдэҕиттэн муусуканан дьарыктанар. Сыанаҕа түөрт сылтан тахса сыл устата тахсан, араас муусука жанрдарыгар ырыалары толорор, ол иһигэр сахалыы тылынан суруйан таһаарар. «Новые пацанки» бырайыак кэнниттэн саҥа тахсан эрэ артыыс баҕа санаатын толорорго быһаарыммыт. Шоу сүүмэрдиир түһүмэҕэр Айыллаана «Харах уута» ырыаны толоруоҕа уонна «Царица» барыайыак сүрүн састаабыгар киирэргэ холонуоҕа. «Царица» дьүүллүүр сүбэ чилиэннэрин ортотугар Арассыыйа норуодунай артыыската Лариса Долина, ырыаһыттар Наташа Королева, Алсу, Алена Свиридова, Валерия, ырыаһыт уонна ыытааччы Регина Тодоренко, продюсер Яна Рудковская уонна да атын Арассыыйа «сулустара» бааллар.
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…