Хаартыска: Элеонора Лаврентьева
Саха кыыһа Элеонора Лаврентьева Арассыыйа уонна Европа саамай үрдүк чыпчаалыгар — Эльбрус хайатын (5642 миэтэрэ) дабайан таҕыста.
Кини ЯСИА кэрэспэдьиэнигэр кэпсээбитинэн, бу хайаҕа тахсыыта уһун кэмнээх бэлэмин уонна хайаҕа тапталын түмүктүүр чыпчаалынан буолла.
Уус-Алдантан төрүттээх Элеонора Лаврентьева хайаны кынаттыыр уонна күүс-уох ылар сиринэн арыйбыт. «Мин хайалары, айылҕаны уонна соҕотох сылдьарбын олус сөбүлүүбүн. Ааспыт сылга Горнай Алтайга трекиҥҥэ сылдьыбытым, Кыһыл хайаҕа тахсыбыппыт. Онтон Кэбээйи улууһугар Подкова хайаҕа тахса сылдьыбытым. Хайалар — бу күүс-уох сирэ. Онно мин бэйэбин нус-хас буолууну, уоскулаҥы ылбыт курдук сананабын», — диэн Элеонора бэлиэтиир.
Лаврентьева Эльбруска тахсар бэлэмнэниитин ааспыт 2023 сыл алтынньытыгар саҕалаабыт. Эрчиллиитэ кроссфиты, сүүрүүнү, ону таһынан доруобуйатын көрүнүүттэн ыытыллыбыт. Бэс ыйын бүтүүтэ кыыс сарсыарда күн тахсыыта Эльбрус чыпчаалыгар тахсыбыт.
«Эльбрус үрдүгэр күн тахсыытын кэрэтиттэн көрөн, дьолбуттан ытаабытым. Маннык кэрэни хаһан да көрбөтөҕүм!» – диэн Элеонора Лаврентьева санаатын үллэһиннэ.
Саха кыыһа Арассыыйа уонна Европа саамай үрдүк чыпчаалыгар Уус-Алдан улууһун былааҕын туруорда.
Эльбруһу дабайыы — саха кыыһын альпинистыы баҕа санаатын тиһэх сыала буолбатах. «Быйыл алтынньыга Непалга Кала-Патхар хайаҕа тахсарга, ону таһынан Эверест лааҕырыгар диэри трекиҥнии тиийэрбин былаанныыбын», — диир кыыс.
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…