Саха кыыһа Мария Смирнова Арассыыйа чөмпүйэнээтин үрүҥ көмүс призерунан буолла

От ыйын 23-27 күннэригэр Жуковскай куоракка дьүлэй дьон ортолоругар чэпчэки атлетикаҕа Арассыыйа чөмпүйэнээтэ буолан ааста.

Саха сирин сүүмэрдэммит хамаандатын күрэсчитэ Мария Смирнова 5000 м дистанцияҕа 17:38 бириэмэлээх вице-ччөмпүйүөн буолла. Бу туһунан Саха сиринээҕи «Триумф» сүүмэрдэммит хамаандалары успуорка бэлэмнээһин киинэ иһитиннэрэр.

Ону таһынан, Мария Смирнова 1500 м дистанцияҕа төрдүһүнэн фиништээтэ. Күрэхтэһии түмүгүнэн, күрэсчит Арассыыйа сүүмэрдэммит хамаандатын састаабыгар миэстэтин хаалларда. Күрэсчит иннигэр балаҕан ыйыгар кросска Арассыыйа чөмпүйэнээтэ күүтэр.