“Тымныы Саха сириттэн саҕаланар” бэстибээл иитинэн, саха “муорсалара” бүгүн Дьокуускай куорат 202-с түөлбэтигэр сөтүөлээтилэр.
202-с түөлбэттэн быһалыы сөтүөлүүр сиргэ түһэргэ, “Саха муорсаларын” ойбоно үөһэттэн ытыска уурбут курдук көстөр. Аҕыйах мүнүүтэ иһигэр эппиэтинэстээх үлэһиттэр, көрөөччүлэр, сонуну киэҥник тарҕатар эйгэ үлэһиттэрэ тоҕуоруһа муһуннулар.
Түөрт-биэс миэтэрэ уһуннаах сөтүөлүүр сир бэлэмнэммит. Таһырдьа быһа-холуйан -35 кыраадыс тымныы. Сөтүөнү маҥнайгынан федерация салайааччыта Николай Софронеев саҕалыыр. Балаакка таһыгар сыгынньахтанан, кирилиэһин түһэрэн, аҕыйах мүнүүтэ иһигэр мууһунан бүрүллэ охсубут ууну илиитинэн садьыйан, харбаан биир эргиири оҥорон тахсар. Салгыы иккис, үһүс, төрдүс… киһи уочаратынан киирэн харбаан тахсаллар. Олор быыстарыгар саастаах эмээхситтэр, эдэр дьахталлар эмиэ бааллар. Ойбон тула мустубут дьон мэктиэтигэр кинилэри көрөн титирэстээтибит. Оттон “муорсалар” ымыр да гынан көрбөттөр, эр дьон таһырдьа сүүрэ сылдьаллар.
Салайааччылара Николай Софронеев: “Уу олус үчүгэй. Ууга бириэмэ тохтоон хаалбыт кэриэтэ буолар. Кыһын сөтүөлүөн баҕалаах дьон сайынтан саҕалыыллара уонна биир да күнү көтүппэккэ дьарыктаналлара ирдэнэр”, — диэн сүбэлиир.
Онтон кыһыҥҥы сөтүөнэн иллэрээ сылтан дьарыктанар, 63 саастаах Гаврил Луковцев: “Сорукпун ситтим, бэйэбин кыайдым диэн үөрэбин. Төһөнөн айылҕаҕа чугаспыт да, соччонон ыарыыга сэдэхтик бэринэбит. Манан дьарыктаммытым үс сыл буолла, бу сыллар тухары тымныйа иликпин. Коронавирустуу сылдьыбытым эрээри, чэпчэкитик аһарбытым. Тымныыга сөтүө киһи доруобуйатыгар чахчы көмөлөһөр эбит”, — диэн санаатын үллэстэр.
Салгыы видео-устууна көрүҥ.
Санатан эттэххэ, үһүс сылын ахсынньыга СӨ кыһыҥҥы харбааһынын федерациятын чилиэннэрэ “Тымныы Саха сириттэн саҕаланар” бэстибээл иитинэн сөтүөлүүллэр.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…