Саха научнай киинин салайааччыта Михаил Лебедев РАН академигынан талылынна

Арассыыйа наукатын академиятын Сибиирдээҕи салаатын Саха сиринээҕи научнай федеральнай чинчийэр киин генеральнай дириэктэрэ Михаил Лебедев РАН химияҕа уонна наукаҕа отделениетын академиятын «Арктическай материаловедение» идэҕэ  Арассыыйа наукатын академиятын академигынан талылынна.

«Михаил Петрович хоту дойду биир бастыҥ учуонайдарыттан биирдэстэрэ — олоҕун Саха сирин наукатыгар анаабыт киһи. Кинини РАН академиктарын кэккэтигэр талыллыыта Саха сирин научнай уопсастыбатын киэн туттуута уонна Арктика чинчийиилэрин ыытыы дойду сайдыытын стратегиятын туоһута», — диэн Ил Дархан Айсен Николаев эҕэрдэлээтэ.

Михаил Петрович Лебедев -материаловедение, органическайа суох технология уонна композиционнай матырыйаал эйгэтин биир аатырбыт учуонайа. Кини 420-тэн тахса научнай үлэ ааптара, ол иһигэр 10 монография, 46 патент уонна ааптарскай туоһулар ааптара. Кини салалтатынан уонна көхтөөх кыттыытынан Саха научнай киинэ сайдар. СӨ Ил Дарханын уонна Бырабыыталыстыбатын пресс-сулууспата.