«Саха» НКИХ ханаалга «Ил Дарханныын кэпсэтии» биэрии тахсыаҕа

Бүгүн, атырдьах ыйын 22 күнүгэр, «Ил Дарханныын кэпсэтии» биэрии уочараттаах таһаарыыта «Саха» НКИХ ханаалга уонна «Тэтим» араадьыйаҕа ыытыллыаҕа.

Айсен Николаев Дьокуускай уонна Нерюнгри куоратттар агломерацияларын уһун болдьохтоох былааннарын олоххо киллэриини, «Энергетика» хайысханан Российскай Федерация Судаарыстыбаннай Сэбиэтин хамыыһыйатын үлэтин былаанын, «Армия-2024» норуоттар икки ардыларынааҕы байыаннай-тэхиниичэскэй пуорумҥа кыттыы туһунан кэпсиэҕэ.

Биэрии сүрүн тиэмэтинэн ойуур баһаарын умуруоруу уонна сүөһү аһылыгын бэлэмниир хампаанньа туһунан буолуоҕа. Ону сэргэ тыаны чөлүгэр түһэриигэ, олохтоох тыа хаһаайыстыбатын бородууксуйатын оҥорон таһаарыыны сайыннарыыга болҕомто ууруллуоҕа. Эпиир Саха сирин бириэмэтинэн «Саха» НКИХ ханаалга уонна «Тэтим» араадьыйаҕа киэһэ 20:00 чаастан саҕаланар.