Хаартыска: https://nvk-online.ru/
«Саха» НКИХ генеральнай продюсера Ньургун Торговкин бэлиэтииринэн, бастакы түһүмэххэ 36 спортсмен кыттыаҕа, кинилэр ортолоруттан 12-тэ аныгыскы түһүмэххэ ааһыаҕа. Финалга саамай күүстээхтэртэн сүүмэрдэммит алта кыттыылаах күөн көрсүөҕэ.
«Хас биирдии бырайыакпытын биһиги олус диэн сыаналыыбыт. Спорду сөбүлүүр дьону ГТО-ҕа болҕомтолорун тардар сыалтан быйыл «КЫАХ. Игры ГТО» диэн саҥа спортивнай бырайыагы олоххо киллэрэргэ быһаарыммыппыт. Кыттыан баҕарар киһи ахсаана биһиги күүппүппүтүнээҕэр быдан элбэх буолбутуттан олус диэн үөрэбит. Аҥаардара — профессиональнай спортсменнар. Ону тэҥэ медиа эйгэтигэр биллэр дьону кыттыыны ыларга эмиэ тардыбыппыт. Кинилэри дьон-сэргэ номнуо олунньу 9 күнүгэр күөх экраҥҥа көрүөҕэ. Бырайыак интэриэһинэй, дьон болҕомтотун тардыа диэн эрэллээхпин. Бастакы сезона биһирэбили көрүстэҕинэ, үчүгэйдик аастаҕына, баҕардар сыллата ыытыллар бырайыак быһыытынан оҥоруохпут», — диэн Ньургун Торговкин эттэ.
СӨ ГТО многоборьеҕа федерациятын вице-бэрэсидьиэнэ Игнат Чомчоев бэлиэтииринэн, бырайыагы оҥорор санаа өссө ааспыт сылга үөскээбит уонна, дьэ, быйыл бу баҕа санаа олоххо киириэхтээх.
«Телебырайыак чэрчитинэн биһиги өрөспүүбүлүкэ саамай эт-хаан өттүнэн бэлэмнээх киһитин көрөн быһаарыахпыт. ГТО многоборьета спорду олох нуорматын быһыытынан киллэрэргэ уонна нормативтары туттарары сайыннарарга аналлаах хайысхалаах», — диэн Игнат Чомчоев эттэ.
Бастакы түһүмэххэ спортсменнар үс мүнүүтэ иһигэр араас эрчиллиилэри оҥоруохтара. Иккис түһүмэххэ челночнай сүүрүүгэ, перекладинаҕа, трастерга берпигэ, скакалкалаах ыстаныыга уонна гиирэлээх приседанияҕа күрэхтэһиэхтэрэ. Онтон үһүс түһүмэххэ кыттыылаахтар ханнык көрүҥҥэ киирсэллэрэ билигин кистэлэҥҥэ тутуллар.
Саҥа телебырайыак бастакы биэриитэ номнуо бу өрөбүлгэ, олунньу 9 күнүгэр, киэһэ 19 чаастан «Саха» НКИХ тэлэбиидэнньэтигэр көстүөҕэ.
Санатарбыт курдук, бырайыагы «Саха» НКИХ өрөспүүбүлүкэтээҕи ГТО многоборьетын федерациятын уонна СӨ физическэй култууратын уонна спордун министиэристибэтин кытта ыытар.
«Саха» НКИХ иһитиннэриитэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…