«Саха» НКИХ саҥа телевизионнай сезона саҕаланна

«Саха» НКИХ саҥа телевизионнай сезона саҕаланна. Хампаанньа көрөөччү баҕатын учуоттаан саҥа сезоҥҥа сонун бырайыактары, биэриилэри толкуйдаата.

Быйылгы сезоҥҥа олох араас ыарахаттарыгар оҕустарбыт туһалаах сүбэлэрдээх подкаст-биэрии баар буолла — «Аһаҕастык».

Саҥа сериаллар сүрэхтэниэхтэрэ – «Хирургтар», «Аламай таас», «Уот Дьулустаан».

«Саха» НКИХ чабырҕах норуот уус-уран айымньытыгар күрэҕи тэрийиэҕэ.

Маны таһынан дьон-сэргэ кутун туппут «Саҥа күн», «Эйгэ», «Талбан», «Өркөн өй», «Уонна» курдук биэриилэр саҥа тыыннанан тахсыахтара.

Ону тэҥэ үгэс буолбут «Арыыга», «Үҥкүүлээ», «Олоҥхо Баттл» бырайыактар көстүөхтэрэ.