Салгыы
“Саха” НКИХ уһуйаан иитиллээччилэригэр “Кырачааннар” диэн сахалыы ойуулугу билиһиннэрдэ

“Саха” НКИХ уһуйаан иитиллээччилэригэр “Кырачааннар” диэн сахалыы ойуулугу билиһиннэрдэ

01.12.2022, 16:54
Бөлөххө киир:

“Саха” НКИХ саҥардыыга устуудьуйата Дьокуускай куорат “Чэчир” уһуйааныгар хампаанньа сахалыы тыыннаабыт “Кырачааннар” (“Малышарики”)  ойуулугу билиһиннэрдэ.

2017 сылтан “Саха” НКИХ нууччалыы ойуулуктары сахалыы тылбаастаан таһаарар. Ону таһынан, сахалыы анимационнай ойуулуктары оҥорор. Бу сыл муус устарыттан хампаанньа иһинэн саҥардыы (дубляж) устуудьуйата тэриллибит.  Ил Дархан Айсен Николаев өйөбүлүнэн, хампаанньа Арассыыйаҕа бастыҥ анимационнай “Riki.team” бөлөҕү кытта сөбүлэҥ түһэрсэн, түөрт ойуулугу сахалыы саҥарпыт. Ол курдук, “Фиксиктэр”, (“Фиксики”) 157, “Кырачааннар” (“Малышарики”) 212, “Тима уонна Тома” (“Тима и Тома”) 48, “Үс куоска” (“Три кота”) 104 сиэрийэлэрин сахалыы тылбаастаабыттар.

“Хамаандабытыгар режиссер, продюсер, оператордар, эрэдээктэрдэр киирэллэр, үрдүк таһымнаах артыыстар үлэлииллэр. Оҕолору эмиэ сыһыарабыт. Сөп түбэһэр куолаһы булуу бэйэтэ туспа уратылаах, үлэлээх. Ойуулукка саҥарааччыны сүүмэрдээн (кастинг) талан баран, сөп түбэһиэ диэбиппитин Москаҕа уонна Санкт-Петербург куоракка ыытан бигэргэттэрэбит. Кинилэр оруолга саҥарааччылары куоластарын тембрын, интонациятын, саҥата сөп түбэһэрин, түбэспэтин көрөллөр, санааларын этэллэр. Бу кэскиллээх бырайыакка үлэлии сылдьарбытыттан олус үөрэбит. Хас биирдии саха оҕото сахалыы ойуулуктары көрүөн, сахабыт тыла чэчирии сайда туруон баҕарабыт”, — диэн устуудьуйа үлэһитэ Настасья Тополина санаатын үллэстэр. Сорох тыл тылбааһа суоҕа, сороҕор ойуулукка сүһүөҕүнэн сөп түбэспэтэ уустуктары үөскэтэр диэн этэллэр. Ол да буоллар онтон иҥнэн, чаҕыйах турбаттар, күн бүгүн  биэс ойуулук хас да сүүһүнэн сиэрийэтин тылбаастаан таһаарбыттар. Урукку ойуулуктартан уратыта диэн, хастыы даҕаны сиэрийэлээх ойуулуктары сахатыталлар. Ол эбэтэр оҕо ойуулугу бүтүн сиэрийэлэринэн сахалыы көрөр кыаҕа үөскээтэ.

Ойуулугу ТҮННҮК/SAKHA KIDS  ханаалга көрүөххэ сөп. Устуудьуйа үлэтин салгыыр былааннаахтар. Бу ахсынньыга “Саха” НКИХ бэйэтэ оҥорбут кулунчук туһунан “Тооку” ойуулук тахсан эрэр.

 

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -12°C
  • Ощущается: -19°Влажность: 44% Скорость ветра: 7 м/с

Сообщить об опечатке

Текст, который будет отправлен нашим редакторам: