«Саха» НКИХ үлэһитэ Алексей Семенов олохтон туораата

Тэлэбиидэнньэ ыытааччыта, кэллиэгэбит Алексей Семенов (позывнойа «НВК») байыаннай дьайыыга бойобуой сорудаҕы толоро сылдьан олохтон туораата.

Бу туһунан «Саха» НКИХ телеграм-ханаала иһитиннэрэр.

Алексей «Саха сирэ», «Күнтэн күн» информационнай биэриилэри ыыппыта.

Чугас дьонугар, аймахтарыгар, доҕотторугар дириҥ кутурҕаммытын тиэрдэбит, аһыыгытын тэҥҥэ үллэстэбит.