«Саха» НКИХ үлэһиттэрэ Манчаары оонньууларын сырдатар сирдэрин үөрэттилэр

Бэҕэһээ, муус устар 9 күнүгэр, «Саха” НКИХ  анал бөлөҕө Таатта улууһугар бу сайын ыытыллар Манчаары оонньууларын саха төрүт көрүҥнэригэр күрэс тэриллэр сүрүн түһүлгэлэрин тиийэн көрдө.

Хампаанньа исписэлиистэрин бу икки улахан сырыыта. Саха сирин сүрүн ханаалын  тэлэбиидэнньэтин салайааччыта   Олег Колесов, режиссер Радомир  Томскай «Ньургун Боотур”  стадиоҥҥа эппиэттээх үлэһиттэри кытта сылдьан, устар-көрдөрөр табыгастаах сирдэри, хайысхалары  үөрэттилэр. Ол курдук, көһө сылдьар телевизионнай ыстаансыйа ханан туруохтааҕын, кабель ханан ааһарын, кэмэнттэтэрдэр олорон, саҥарар сирдэрин ымпыктаан көрдүлэр-иһиттилэр.

Маны тэҥэ,  бөлөх элбэх өҥөнү оҥорор спортивнай комплекска уонна пресс-киин үлэлиэхтээх Тааттатааҕы лицей дьиэтигэр сырытта. Бу туһунан хампаанньа Тааттатааҕы филиалын суруналыыһа Жанна Бурмистрова иһитиннэрдэ.