Виталий Слепцов хаартыскаҕа түһэриилэрэ
Бэҕэһээ, алтынньы 23 күнүгэр, норуодунай суруйааччы Николай Алексеевич Лугинов Дьокуускайдааҕы тыа хаһаайыстыбатын техникумун, Ю.А.Готовцев аатын сүгэр Дьокуускайдааҕы технологическай техникум уонна «Айар уустар» диэн креативнай индустрия кэллиэһин, П.П.Романов аатын сүгэр Дьокуускайдааҕы художественнай училище, А.Д.Макарова аатын сүгэр култуура уонна ускуустуба кэллиэһин устудьуоннарын кытта көрүстэ.
П.А.Ойуунускай аатынан литературнай мусуой научнай үлэһитэ Ефросинья Ноговицына устудьуоннарга талааннаах суруйааччы олоҕун, айар үлэтин билиһиннэрдэ. Оттон норуодунай суруйааччы Николай Алексеевич оҕолорго айар үлэтин суолун, ону сэргэ төрөөбүт тыл, култуура норуот быһыытынан өйбүт-санаабыт сайдарыгар оруолун, дойдуга бэриниилээх буолуу туһунан кэпсээтэ. Маны сэргэ, мусуойга суруйааччы 75 сыллаах үбүлүөйүнэн айар үлэтинэн быыстапката туруоруллубут, оҕолорго онлайн-викторина ыытылынна. Бу викторинаҕа уопсайа 108 оҕо кыттыыны ылла. Ол курдук викторина кыайыылааҕынан Дьокуускайдааҕы тыа хаһаайыстыбатын техникумун устудьуоҥката Виктория Кочкина, оттон иккис миэстэҕэ креативнай индустрия устудьуона Уран Копырин, үһүс миэстэҕэ Дьокуускайдааҕы технологическай техникум устудьуона Иван Новгородов буоллулар.
Норуодунай суруйааччыны үбүлүөйүнэн эҕэрдэлээтилэр уонна устудьуоннар бэйэлэрэ илиилэринэн оҥорбут өйдөбүнньүк бэлэхтэрин туттардылар. Сэргэх көрсүһүү оһуокайынан түмүктэннэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…