Саха оҕото Турцияҕа дуобаттаан үс кыһыл көмүс мэтээли ылла

Турцияҕа дуобакка ыччат ортотугар Европа чөмпүйэнээтэ түмүктэннэ. Күрэхтэһиигэ 64 эдэр спортсмен бастыыр иһин илин-кэлин түһүстэ. 

Юниордарга муҥутуур кыайыылааҕынан Саха сириттэн сылдьар Айыына Прокопьева буолла. Кини бу күрэхтэһии үс кыһыл көмүс мэтээлин ылары ситистэ.

Бу үөрүүлээх сонуну социальнай ситимнэргэ эдэр спортсменка эбэтэ үллэһиннэ. Айыына Прокопьева Өлөөн улууһуттан төрүттээх эбит.