Хаартыска: 14.ru
От ыйын 26 күнүттэн Парижка Олимпийскай оонньуулар саҕаланнылар. Күрэхтэһиилэргэ Арассыыйаттан 15 спортсмен кыттыаҕа. Маны тэҥэ, атын дойдулартан кыттар 5 саха спортсмена баара ордук долгутуулаах.
Аҥаардас көҥүл тустууга сүүрбэччэ Арассыыйа спортсмена атын дойдулар ааттарыттан кыттыахтара. Кинилэр истэригэр аан дойду, Европа чөмпүйүөннэрэ бааллар.
Кыргызстан спордун үтүөлээх маастара, Азиатскай оонньуулар призердара Айаал Лазарев Олимпийскай оонньууларга үһүс төгүлүн 125 киилэҕэ киирсэр. Кини ыйааһыныгар квалификационнай раунд атырдьах ыйын 9 күнүгэр буолуоҕа диэн СИА суруйар.
Азия вице-чөмпүйүөнэ, Таджикистан аатыттан кыттар Виктор Рассадин 74 киилэҕэ диэри ыйааһыҥҥа киирсэр. Кини ыйааһыныгар саамай элбэх күүстээх күрэстэһээччи баар. Бу ыйааһыҥҥа күрэхтэһии атырдьах ыйын 9 күнүгэр буолуоҕа.
Океания чөмпүйүөнэ, Австралия аатыттан кыттар Георгий Окороков 65 киилэҕэ диэри ыйааһыҥҥа атырдьах ыйын 10 күнүгэр киирсиэҕэ.
Европа чөмпүйүөнэ Владимир Егоров Македония аатыттан 57 киилэҕэ диэри ыйааһыҥҥа атырдьах ыйын 8 күнүгэр киирсэр.
Кыргызстантан кыттар Сардаана Трофимова ыра санаата туолан, Олимпийскай оонньууларга киирсэн, атырдьах ыйын 11 күнүгэр марафоҥҥа (42 килэмиэтири) илин-кэлин түсүһүөҕэ. Марафон Дьокуускай бириэмэтинэн, күнүс 3 чаастан саҕаланар.
Лазаревтан ураты, спортсменнарбыт олимпиадаҕа аан бастакытын кытталлар.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …