Хаартыска: Ил Түмэн пресс-сулууспата
Бу нэдиэлэҕэ, кулун тутар 1 күнүгэр, П.А. Ойуунускай аатынан Саха академическай тыйаатырга Саха Өрөспүүбүлүкэтин Судаарыстыбаннай Мунньаҕа (Ил Түмэнэ), Саха Өрөспүүбүлүкэтин Бырабыыталыстыбата уонна уопсастыбаннаһа кыттыыллаах Ил Түмэн тэриллибитэ 30 сылыгар үөрүүлээх мунньаҕа ыытыллыаҕа. Саха парламентаризмын сырдатар кинигэ бэчээттэниэҕэ, «Ил Түмэн» хаһыат анал таһаарыыта тахсыаҕа.
Үбүлүөйдээх сылы көрсө Ил Түмэн дьокутааттара олунньу ыйын устата үөрэнээччилэри уонна устудьуоннары кытта сэргэх көрсүһүүлэри тэрийэн ыыттылар. Бу туһунан Ил Түмэн пресс-сулууспата суруйар.
Саха сирин парламенын вице-спикерэ — Ил Түмэн Судаарыстыбаннай тутууга уонна сокуону оҥорууга сис кэмитиэтин бэрэссэдээтэлэ Афанасий Владимиров М. К. Аммосов аатынан Хотугулуу-Илиҥҥи федеральнай университет омук филологиятын уонна эрэгийиэни үөрэтии үнүстүүтүн устудьуоннарыгар Саха сирин парламентаризмын устуоруйатын, эрэгийэннээҕи парламент судаарыстыбаҕа уонна киһи олоҕор оруолун арыйан кэпсээтэ. Маны таһынан, парламентарий өрөспүүбүлүкэҕэ тыа хаһаайыстыбатын сайыннарыыга, эдэр исписэлиистэри тардыыга судаарыстыбаннай бырагыраамалары таарыйан, тирээн турар сытыы боппуруостары тула сиһилии кэпсээтэ.
Хонтуруоллуур кэмитиэт бэрэссэдээтэлэ Андрей Николаев Сунтаардааҕы технологическай кэллиэс устуодьуоннарыгар Ил Түмэн бастакы ыҥырыылаах дьокутааттарыттан саҕалаан, билиҥҥэ диэри парламент устуоруйатын кытта үллэһиннэ. Кини чуолаан парламеҥҥа бэрэстэбиитэллээх уонна хонтуруолунай уорган үлэтин уонна норуот интэриэһигэр ити мэхэньииһимнэр наадалаҕын бэлиэтээтэ.
Норуот дьокутаата Татьяна Захарова Мииринэйдээҕи эрэгийиэннээҕи-тиэхиньиичэскэй кэллиэс устуодьуоннарыгар өрөспүүбүлүкэ парламенын суолтатын, ону тэҥэ Саха сиригэр парламентаризм устуоруйаҕа тэриллиитин суолун арыйда.
Ону кытта норуот дьокутааттара Ренат Хусаинов Алданнааҕы мэдиссиинэ кэллиэһин, Павел Пинигин Чурапчытааҕы физическэй култуураҕа уонна успуорка үнүстүүт, Алена Атласова Саха педагогическай кэллиэс, Дьокуускайдааҕы художественнай училище устудьуоннарыгар уонна Иван Лукцан Дьокуускайдааҕы 1№-дээх оскуола оҕолоругар сокуон оҥорор уонна ситэриилээх былаас уорганнарын уратыларын, Саха сирин парламентаризмын устуоруйатын, Российскай Федерация судаарыстыбаннай тутулун, дьокутаат түбүктээх үлэтин-хамнаһын туһунан сырдаттылар.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…