Хаартыска: Айсен Николаев ТГ-ханаалыттан
Саха режиссера Алексей Романов «Легенды вечных снегов» киинэтэ «Алтын минбар» ХХ Казаннааҕы норуоттар икки ардыларынааҕы киинэ бэстибээлин Гран-притын ылла.
Казаннааҕы аан дойдутааҕы киинэ бэстибээлэ балаҕан ыйын 6-11 күннэригэр буолан ааста. Куонкурус бырагырааматыгар 51 киинэ көрдөрүлүннэ. Гран-прины Саха сириттэн «Легенды вечных снегов» диэн сахалыы киинэҕэ туттардылар.
«Ис сүрэхпиттэн Алексейы уонна кини хамаандатын уочараттаах кыайыынан эҕэрдэлиибин! Саха сирэ киэн туттар!», — диэн СӨ Ил Дархана Айсен Николаев бэйэтин ТГ-ханаалыгар эҕэрдэлээтэ.
«Легенды вечных снегов» киинэ 1986 с. Алексей Романов ВГИК бүтэрэригэр дипломнай үлэ быһыытынан уһуллубут «Мааппа» кылгас киинэтин салҕыыта буолар. Бырайыак уһуллуута 2023 сыл кулун тутар-муус устар ыйдарыгар Өймөкөөн улууһугар ыытыллыбыт. Бу кэмҥэ халлаан туруга уустук буолан биэрбит — икки миэтэрэ үрдүктээх элбэх хаар түспүт.
Бу иннинэ режиссер Алексей Романов киинэтэ II Бишкектааҕы норуоттар икки ардыларынааҕы киинэ бэстибээлин гран-притын ылбыта.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…