Хаартыска: Михаил Друзьянов тус архыыбыттан.
Бүгүн, ыам ыйын 8 күнүгэр, биллиилээх судаарыстыбаннай уонна уопсастыбаннай диэйэтэл, Саха Сирин успуордун устуоруйатыгар күргүөмнээх хамсааһыны төрүттээччилэртэн биирдэстэрэ, өрөспүүбүлүкэҕэ көҥүл тустуу сайдыытыгар сүҥкэн өҥөнү оҥорбут, Саха АССР успуорка кэмитиэтин салайааччыта, ССРС физическай култууратын туйгуна, саха саарына Николай Николаевич Тарскай төрөөбүтэ 100 сылын туолла.
Кини 1924 сыл ыам ыйын 8 күнүгэр Уус Алдан оройуонун Батамай нэһилиэгэр күн сирин көрбүтэ. 1948 сыллаахха Сэбиэскэй Сойуус сүрүн физкултуураҕа үрдүк үөрэҕин кыһатыгар – Ленин уордьаннаах Физическэй култуура судаарыстыбаннай киин институтугар, билигин Физическэй култуура, спорт, ыччат уонна туризм Арассыыйатааҕы судаарыстыбаннай университетыгар үөрэнэ киирбитэ. Кинини кытта Роман Бурнашев, Иннокентий Игнатьев, Валерий Кочнев курдук, кэлин Саха сиригэр успуорт сайдыытыгар сүдү кылааттарын киллэрбит дьон бииргэ үөрэммиттэрэ.
1954 сыллаахха институту бүтэрэн баран, Николай Тарскай төрөөбүт дойдутугар эргиллибитэ уонна Физкултуура уонна успуорт өрөспүүбүлүкэтээҕи кэмитиэтигэр бэрэссэдээтэлинэн анаммыта. Түөрт сыл устата эдэр салайааччы физкултуура уонна успуорт эйгэтигэр улахан уларыйыылары киллэрбитэ. Саха сирин олохтоохторо көҥүл тустууга, боксаҕа уонна ыарахан атлетикаҕа улахан ситиһиилэниэхтэрин сөп диэн, балары тирэх көрүҥнэринэн талбыттара.
1956 сыллаахха киин куоракка көҥүл тустууга өрөспүүбүлүкэ бастакы чөмпүйэнээтэ ыытыллан, манна 34 тустуук кыттыбыта. Николай Тарскай бэйэтэ кылаабынай судьуйалаабыта.
Көҥүл тустууну сэргэ боксердар, штангистар бастакы хардыыларын оҥорбуттара. Ыҥырыллан кэлбит тириэньэр Аскольд Лясота уопсастыбанньык-тириэньэрдэргэ сэминээрдэри тэрийбитэ, сотору кэминэн өрөспүүбүлүкэ бастакы чөмпүйэнээтэ ыытыллыбыта. Арсен Петров уопсастыбаннай төрүккэ бокса секциятын ыыппыта. Ыарахан атлетикаҕа энтузиаст Николай Шамаев эрчийбитэ. 1960 сыллаахха көҥүл тустууга ССРС спордун бастакы маастарынан Тарскай үөрэнээччитэ Дмитрий Данилов буолбута. Ити сыл боксаҕа маастар нуорматын Артем Никифоров толорбута.
Сиһилии кини туһунан матырыйаалы бу сигэҕэ https://edersaas.ru/tarskaj/ киирэн аах.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…